«وكىنىشكە وراي, وسىنداي سىن ساعاتتا الىپساتارلىقپەن اينالىسقانداردىڭ فاكتىسى تىركەلىپ وتىر. ءتيىستى ورگاندار مۇنداي ارەكەتتەردى انىقتاپ ولاردىڭ جولىن كەسەتىن بولادى. بۇل جۇمىستى جۇيەلەندىرۋ ءۇشىن الەۋمەتتىك ماڭىزى بار تاۋارلاردىڭ وبەكتيۆتى قاجەتتى تىزبەسىن بەكىتۋ تالاپ ەتىلەدى, ول ءۇشىن باعالارعا مەملەكەتتىك رەتتەۋدى ەنگىزەمىز», دەدى پرەزيدەنت.
سونداي-اق مەملەكەت باسشىسى ءوڭىردىڭ ءاربىر اكىمى ءبىرىنشى كەزەكتەگى سۇرانىستاعى تاۋارلاردىڭ بار-جوعىن ناقتى ەسەپكە الۋدى اتاپ ءوتتى.
«قازىرگى كەزدە بيزنەسپەن جانە حالىقپەن جۇمىس ىستەۋ ماڭىزدى. ءبىرىنشى كەزەكتە حالىققا قاجەتتى ونىمدەر توڭىرەگىندە دۇربەلەڭ مەن دۇرلىگۋگە جول بەرمەۋ قاجەت. اكىمدەر تاۋارلاردىڭ وڭىرارالىق اعىندارىن باقىلاۋ جانە جەرگىلىكتى تاپشىلىقتى بولدىرماۋ ءۇشىن ءوزارا ءىس-قيمىلدى جولعا قويۋ كەرەك. ۇكىمەتپەن بىرلەسىپ جەتكىلىكتى قورلاردىڭ بولۋىن قامتاماسىز ەتۋ, ولاردى سورەلەرگە جەتكىزۋ تەتىكتەرىن پىسىقتاۋ, باعانى قاتاڭ باقىلاۋ جانە الىپساتارلىقتى بولدىرماۋ قاجەت», دەدى قاسىم-جومارت توقاەۆ.
