كوكشەتاۋداعى «ريو» ويىن-ساۋىق ورتالىعىنىڭ جالپى اۋماعى 15 مىڭ شارشى مەتر. بۇل جەرگە ايىنا 400 مىڭنان استام ادام كەلەدى ەكەن. قازىر ۋاقىتشا ەسىگى تارس جابىلعان. تەك ءبىرىنشى قاباتتاعى بالالار تاعامى دۇڭگىرشەگى مەن ءدارىحانا عانا جۇمىس ىستەپ تۇر....
– ءبىز ساۋدا نىساندارىنىڭ جۇمىس ۋاقىتىن قىسقارتتىق. «ريو» ويىن-ساۋىق ورتالىعى, كەرۋەن ساۋدا ءۇيى مەن شايبا بازارىن ۋاقىتشا جابۋ تۋرالى شەشىم قابىلدادىق. وسى نىساندار قازىر جابىق تۇر. بۇدان بولەك ورتالىق بازارداعى كيىم-كەشەك, تۇرمىستىق زاتتار بولىمىندەگى جۇمىسشىلاردىڭ جۇمىس ۋاقىتىن توقتاتتىق. قازىر تەك ورتالىق بازاردىڭ ازىق-ت ۇلىك بولىگى عانا جۇمىس ىستەپ تۇر, – دەيدى «ورتالىق بازار» سەرىكتەستىگىنىڭ اكىمشىسى نۇريا بايسالباەۆا.
كوروناۆيرۋس ىندەتىنىڭ تارالۋ قاۋپى جوعارى بولۋىنا وراي قالاداعى تۇنگى كلۋبتار, كاراوكە بارلار, مونشا مەن فيتنەس ورتالىقتارى, باسسەيندەر جانە كومپيۋتەرلىك كلۋبتار وزگە دە ادام كوپ جينالاتىن نىسانداردىڭ قىزمەتى ۋاقىتشا توقتاتىلعان.
