اۋماعى 2 مىڭ شارشى مەتردەن اساتىن بارلىق ءىرى ساۋدا ورتالىقتارى ۋاقىتشا قىزمەتىن توقتاتتى. ولاردىڭ قاتارىندا «ريو», «كەرۋەن», «مەچتا» ءتارىزدى ساۋدا ۇيلەرى مەن «شايبا» بازارى, «رۋبين» ساۋدا ءۇيىنىڭ ەكىنشى قاباتى بار. وبلىستىق كاسىپكەرلىك جانە ونەركاسىپ باسقارماسىنىڭ باسشىسى ەربول وسپانوۆ ازىق-ت ۇلىك ساتاتىن نىسانداردىڭ قىزمەتى قالىپتى جاعدايدا جالعاساتىنىن جەتكىزدى.
– بىزدە ازىق-ت ۇلىك قورى جەتكىلىكتى. دەفيتسيت ورىن المايدى. كاسىپكەرلەردى نەگىزسىز باعانى كوتەرىپ, تۇرعىندار اراسىندا الاڭداۋشىلىق تۋدىرماۋعا شاقىرامىن, – دەيدى وبلىستىق كاسىپكەرلىك جانە ونەركاسىپ باسقارماسىنىڭ باسشىسى ەربول وسپانوۆ.
مەديتسينالىق مەكەمەلەر كارانتينگە جابىلعان. قاريالار مەن مۇگەدەكتەرگە ارنالعان تەگىن ءدارى-دارمەك مەكەنجاي بويىنشا جەتكىزىلەدى. 26 ناۋرىزدان باستاپ بالاباقشالار دا جۇمىسىن توقتاتادى. قازىردىڭ وزىندە مەكتەپكە دەيىنگى ءبىلىم بەرۋ مەكەمەلەرىندە بالعىنداردىڭ تەك 20 پروتسەنتى ءتالىم الۋدا. وبلىستىق تاۋارلار مەن كورسەتىلەتىن قىزمەت ساپاسىن باقىلاۋ دەپارتامەنتىنىڭ جەتەكشىسى ايناگۇل مۋسينا 20 ناۋرىزدان باستاپ وڭىردەگى بارلىق ساناتوريلەر مەن كۋرورتتىق دەمالىس ورىندارىنىڭ قىزمەتىن توقتاتۋ تۋرالى بۇيرىققا قول قويدى.
– پانسيوناتتار, قوناقۇيلەر مەن ساناتوريلەر جۇمىسىن توقتاتتى. مۇنداي دەمالىس مەكەمەلەرىندە ادامدار كوپ شوعىرلانادى. ونىڭ ۇستىنە مۇنداي شارا ادامداردىڭ جول ساپارلارىن ازايتادى دەگەن ويدامىز. ءار ءوڭىردىڭ باس سانيتارلىق دارىگەرىندە مۇنداي شارالار قابىلداۋ قۇقىعى بار. مۇنداي شارالار ىندەتتىڭ تارالۋىنا توسقاۋىل بولادى, – دەيدى وبلىستىق تاۋارلار مەن كورسەتىلەتىن قىزمەت ساپاسىن باقىلاۋ دەپارتامەنتىنىڭ جەتەكشىسى ايناگۇل مۋسينا.
ادىن-الا جولداما العان ازاماتتاردىڭ دەمالىسى توتەنشە جاعداي اياقتالعان سوڭ ۇيىمداستىرىلادى. اقمولالىق تاۋار وندىرۋشىلەر ءوڭىر نارىعىن قامتاماسىز ەتۋدى باستى ماقسات ەتىپ وتىر. سىرتتان كەلەتىن يمپورت كولەمى بىرقالىپتى. ماماندار ءوڭىر تۇرعىندارىن قاۋىپسىزدىك شارالارىن ساقتاۋعا جانە جاۋاپكەرشىلىك تانىتۋعا شاقىرادى.
