ەكونوميكا • 20 ناۋرىز، 2020

قىتايدىڭ ەكىنشى ءىرى بانكى استانا بيرجاسىندا ساۋداعا شىعارىلدى

48 رەتكورسەتىلدى

Astana International Exchange (AIX، بيرجا) 2020 جىلعى 20 ناۋرىزدا قىتاي قۇرىلىس بانكىنىڭ استانا فيليالىنىڭ (CCB Astana Branch) قازاقستانداعى يۋانمەن كورسەتىلگەن العاشقى وبليگاتسيالارى AIX رەسمي تىزىمىنە ەنگىزىلگەنىن قۋانا حابارلادى.

ليستينگ ءبىر مەزەتتە گونكونگ بيرجاسىندا جۇزەگە اسىرىلادى. شىعارىلىم وتەۋ مەرزىمى 2022 جىلدىڭ ناۋرىز ايىنا بەلگىلەنگەن جانە جىلدىق سىياقى مولشەرلەمەسى 2.95% بولاتىن جالپى سوماسى 1 ملرد (63 ملرد تەڭگەگە جۋىق) قىتايلىق يۋانمەن كورسەتىلدى. وبليگاتسيالار تەك كاسىبي ينۆەستورلارعا قولجەتىمدى. تۇسكەن قاراجات جەرگىلىكتى ينفراقۇرىلىمدىق جوبالار مەن قازاقستانداعى «بەلدەۋ جانە جول» باستاماسىنىڭ جوبالارىن قارجىلاندىرۋعا جۇمسالادى.

«CCB Astana Branch وبليگاتسيالارىنىڭ ليستينگى – «بەلدەۋ جانە جول» جاھاندىق باستاماسىنىڭ اياسىنداعى قازاقستان-قىتاي قارجىلىق ىنتىماقتاستىعىنىڭ ماڭىزدى ناتيجەسى. بۇل احقو، قازاقستان جانە ورتالىق ازياداعى يۋاننىڭ ەسەپ ايىرىسۋ نارىعىن ودان ءارى دامىتۋعا ىقپال ەتەتىن ماڭىزدى كەزەڭ»،- دەدى «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ.

احقو 2013 جىلى «بەلدەۋ جانە جول» باستاماسى تۋرالى العاش رەت ايتىلعان قازاقستاندا قىتاي يۋانى ءۇشىن وڭىرلىك ەسەپ ايىرىسۋ ورتالىعى بولۋدى كوزدەيدى.

 «AIX يۋانمەن كورسەتىلگەن العاشقى وبليگاتسيانىڭ AIX-تەگى ليستينگىن قۇپتايدى، ول  AIX-تەگى «بەلدەۋ جانە جول» سەگمەنتىنىڭ العاشقى قارجى ءونىمى بولىپ تابىلادى. بۇل قازاقستان ەكونوميكاسىنىڭ دامۋىنا جانە جاڭا جۇمىس ورىندارىن قۇرۋعا ىقپال ەتەتىن «بەلدەۋ جانە جول» باستاماسىنىڭ جوبالارىن قارجىلاندىرۋدىڭ يننوۆاتسيالىق ۇلگىسى»،- دەدى AIX باسقارما توراعاسى تيم بەننەتت.

«China Construction Bank Corporation-نىڭ ورتالىق ازياداعى العاشقى رەسمي وكىلدىگى – استاناداعى فيليالى ەكى ەل اراسىنداعى ستراتەگيالىق ىنتىماقتاستىق اياسىندا يۋانمەن العاشقى وبليگاتسيانى («Falcon» وبليگاتسياسى) ءساتتى شىعاردى. CCB استانا فيليالى قىتاي پرەزيدەنتى سي ءتسزينپيننىڭ جانە قازاقستان پرەزيدەنتى قاسىم-جومارت توقاەۆتىڭ اراسىنداعى ەكىجاقتى كەلىسسوزدەرىنىڭ ناتيجەسىندە قول قويىلعان قىتاي مەن قازاقستان اراسىنداعى ەكىجاقتى ۆاليۋتالىق ەسەپ ايىرىسۋلاردى دامىتۋ قاعيداتتارىن ايقىندالعان كومميۋنيكە شەڭبەرىندە احقو جانە AIX-پەن جۇمىس ىستەيتىن بولادى»،- دەدى China Construction Bank استانا فيليالىنىڭ پرەزيدەنتى ۆان سونحۋا.

AIX-ءتىڭ «بەلدەۋ مەن جول» سەگمەنتى وبليگاتسيالار، اكتسيالار مەن باسقا دا ونىمدەردى قوسا العاندا،  باعالى قاعازدار ليستينگتەن ءوتىپ، يۋانمەن ساۋدالاناتىن ەسەپ ايىرىسۋ ورتالىعىنىڭ نەگىزگى بولىگى بولىپ تابىلادى. AIX باعالى قاعازداردى يۋانمەن ورنالاستىراتىن ءار ءتۇرلى ەميتەنتتەر سانىنىڭ ارتۋىن كۇتەدى، بۇل AIX-ءتىڭ ورتالىق ازيا ەلدەرى ءۇشىن يۋانمەن كورسەتىلگەن باعالى قاعازداردىڭ ليستينگى مەن ساۋداسىنىڭ نەگىزگى ورتالىعى رەتىندە قالىپتاسۋىنا ىقپال ەتەدى.

ەسەپ ايىرىسۋلار ءۇشىن قازاقستان ۇلتتىق بانكىنىڭ ليستينگ كۇنىندەگى رەسمي باعامى قولدانىلدى.

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار