داۋاسىز دەرت ءورشىپ تۇرعان كەزدە زاۋىت باسشىلىعى وسىنداي شەشىم قابىلداعان. انتيسەپتيكتى شىعارۋعا قاجەتتى قوسپالاردىڭ ءبارى بار. ەتيل ءسپيرتى ىرگەدەگى ايدابول سپيرت زاۋىتىنان الىنۋدا. قازىر ءوندىرىس تولىق قۋاتىندا جۇمىس ىستەپ تۇر.
– ءبىز از ۋاقىتتىڭ ىشىندە جاڭا وندىرىستىك باعىتتى جولعا قويدىق,–دەيدى زاۋىت ديرەكتورى فارۋك كۋرماەۆ,–بۇگىنگى كۇنى «ەسىل» الەۋمەتتىك كاسىپكەرلىك كورپوراتسياسىمەن 15 000 ليتر ءونىم ءوندىرۋ جونىندە شارت جاساستىق.
كاسىپورىن ايىنا 60 000 ليترگە جۋىق ءونىم شىعارا الادى. ونىمدەرى 1,5 ليتر جانە 220 مل ىدىستارعا قۇيىلادى. ايتپاقشى مۇنداي ىدىستاردى زاۋىتتىڭ ءوزى دايىندايدى. دايىن ءونىمنىڭ قۇنى ارزان. ءبىر ءليترى 1500 تەڭگە تۇرادى.
