الەمدىك جارىسقا كورشىلەس وزبەكستان, قىرعىزستان, تاجىكستان مەملەكەتتەرىنىڭ بوكسشىلارى قاتىستى. جەرلەسىمىز تەمىرتاس ءجۇسىپوۆ 52 كەلى سالماقتا چەمپيون اتاندى. بىلعارى قولعاپ شەبەرى بوكسپەن 15 جىلعا جۋىق اينالىسادى. ول ازيانىڭ ەكى, قازاقستاننىڭ بەس دۇركىن چەمپيونى. وسى بايراقتى باسەكەدە دە جەرلەسىمىزدىڭ ايى وڭىنان تۋدى.
– ءبىز جاقسى ويىن كورسەتتىك دەپ ويلايمىن. مەن جۇلدەلى 1 ورىنعا يە بولدىم. 3 كەزدەسۋ وتكىزدىم. دايىندىق جۇمىستارى جاقسى ءجۇردى. العاشقى وقۋ-جاتتىعۋ شىمكەنت قالاسىندا ءوتتى. كەيىننەن ەكىنشى جاتتىعۋ وسىنداعى «جاقسى-2» سپورت بازاسىندا بولدى. باپكەرلەر تىڭعىلىقتى دايىندادى,–دەيدى بوكستان حالىقارالىق دارەجەدەگى سپورت شەبەرى تەمىرتاس ءجۇسىپوۆ.
ايتۋلى جارىسقا الەمنىڭ ءار تۇكپىرىنەن كەلگەن 100-گە جۋىق بىلعارى قولعاپ شەبەرى قاتىسىپتى. حالىقارالىق تۋرنيردە 8 بوكسشى ءوڭىر نامىسىن قورعاعان. ويىن تولىعىمەن وليمپيادالىق ەرەجەدە وتكەن.
– مەن قارسىلاستاردىڭ بارلىعىن جاقسى بىلەمىن. جەڭىسكە جەتۋ ءۇشىن بارىمدى سالدىم,–دەيدى بوكستان حالىقارالىق دارەجەدەگى سپورت شەبەرى تەمىرتاس ءجۇسىپوۆ.
تەمىرتاس الداعى جارىستارعا دايىندىق جۇمىستارىن تىڭعىلىقتى جۇرگىزەتىندىگىن جەتكىزدى.
