جەرگىلىكتى ىسمەرلەر ماسكا تىگۋدى قولعا العان. سولاردىڭ ءبىرى – ۇلتتىق قولونەردى دارىپتەپ جۇرگەن جەكە كاسىپكەر جىبەك ءابدىراحمانوۆا وسى يگى ىسكە ءوز ۇلەسىن قوسۋدا. جىبەكتىڭ تىگىن شەبەرحاناسىندا بۇگىندە جۇمىس قىزۋ. ەلىمىزدە كوروناۆيرۋس انىقتالعان بەتتە, دۇرلىككەن جۇرت دارىحانالارعا سابىلدى. ماسكا ىزدەپ الەككە ءتۇستى. اينالاسىندا بولىپ جاتقان كەلەڭسىز قۇبىلىسقا بەي-جاي قاراي الماعان كاسىپكەر قىز ماسكا تىگۋگە شەشىم قابىلدادى.
–تۇرعىنداردان ماسكا تىگىڭىزدەرشى دەگەن وتىنىشتەر ءتۇسىپ جاتىر. بەل بۋىپ, ىسكە كىرىسىپ كەتتىم. ماسكانى داكەدەن 8 قاباتتاپ جاسايمىز. كەشە 100 شاقتىسىن تىكتىك. بۇگىن تاڭنان بەرى 40-قا جۋىق بەتپەردەگە تاپسىرىس قابىلدادىق. كەشكە دەيىن كوبەيۋى دە ابدەن مۇمكىن,–دەيدى جەكە كاسىپكەر جىبەك ءابدىراحمانوۆا.
جىبەكتىڭ ەڭبەگى ادال. كوكشەتاۋلىقتاردى قيىن كەزدە ەل يگىلىگىنە جارايتىن ىسكە جانتالاسىپ كىرىسكەن جاناشىر جاننىڭ نيەتىن قولداپ وتىر.
–كەشە دارىحاناعا بارعان بولاتىنمىن, ماسكالار جوق ەكەن. سودان سوڭ كيىمىمدى تىكتىرۋ ءۇشىن قىزدارعا سوققان ەدىم. ماسكالار دايىنداپ جاتقاندىقتارىن كورىپ, بالالارىما ارناپ ماسكاعا تاپسىرىس بەردىم. قازىر الىپ كەتۋگە كەلىپ تۇرمىن,–دەيدى قالا تۇرعىنى يرينا كاراپيۆكو.
جىبەك قوعامعا پايدام تيسە دەپ تىلەيدى. ونىڭ سۇيىكتى ىسىمەن اينالىسقانىنا 10 جىلدان اسقان. نەگىزىنەن ۇلتتىق ناقىشتاعى كيىمدەر, ساۋكەلەلەر مەن وزگە دە قازاقى بۇيىمداردى ازىرلەيدى.
