اقمولا وبلىستىق ەكونوميكالىق تەرگەۋ دەپارتامەنتىنىڭ شۇعىل-ىزدەستىرۋ ءىس-شاراسى بارىسىندا كاسىپكەردىڭ زاڭسىز ارەكەتى اشكەرەلەندى. ول 10 مىڭ دانا مەديتسينالىق ماسكانى زاڭسىز ساتقان. ەلىمىز بويىنشا تاپشى تاۋار جوعارى باعامەن ساۋدالانعان. ءبىر داناسى 140 تەڭگەدەن ساتىلدى.
– ءىس-شارا بارىسىندا 10 مىڭ دانا كولەمىندەگى ماسكانىڭ نۇر-سۇلتان قالاسىنان اكەلىنگەنى انىقتالدى. تاۋار وبلىستىق دەنساۋلىق ساقتاۋ باسقارماسىنا وتكىزىلەدى,–دەيدى وبلىستىق ەكونوميكالىق تەرگەۋ دەپارتامەنتى جەتەكشىسىنىڭ ورىنباسارى مەرمۋحامەت سكاتوۆ.
