ايماقتار • 20 ناۋرىز، 2020

قىزىلوردا: قالاداعى كارىز سورعى ستانتسيالارى جاڭارتىلىپ جاتىر

40 رەتكورسەتىلدى

«وڭىرلەردى دامىتۋ – 2020» باعدارلاماسى اياسىندا رەسپۋبليكالىق بيۋدجەتتەن بولىنگەن قارجىعا «قىزىلوردا سۋ جۇيەسى» مەكەمەسىنە قاراستى وبلىس ورتالىعىنداعى 62 ستانتسيانىڭ 23-ءى قايتا جاڭعىرتىلىپ جاتىر.  جوبانىڭ كەلەسى كەزەڭىندە تاعى 31 ستانتسيا جاڭارادى.

قالا اكىمى باعدارلاما شەڭبەرىندە جاسالىپ جاتقان جۇمىستار ساپاسىن كورىپ، مەردىگەرلەرگە ءوز ۇسىنىس-پىكىرلەرىن ايتتى. جالپى قالاداعى 62  ستانتسيانىڭ 8-ءى عانا جاڭا، قالعانى وتكەن عاسىردىڭ 60-70-ءشى جىلدارى سالىنعان. وسىعان دەيىن اعىمداعى جوندەۋدەن وتكەنى بولماسا، كوبىنىڭ توزىعى جەتىپ تۇرعان ەدى.

2016 جىلى قالا اكىمدىگى جوبا جاساپ، كەلەسى جىلدان باستاپ رەسپۋبليكالىق بيۋدجەتتەن قارجى بولىنە باستادى. سوڭعى ءۇش جىل بەدەرىندە وسى ماقساتقا 2 ملرد تەڭگەدەن استام قارجى قارالدى.   

 – كونەرگەن ستانتسيالاردىڭ كەسىرىنەن قالانى جاعىمسىز ءيىس جايلاپ العانى جايلى تۇرعىندار شاعىمىن ءجيى ەستيمىز. ءتىپتى، بىلتىر جوندەۋ جۇمىستارىمەن اينالىسىپ جاتقان بىرنەشە ازاماتتىڭ گازعا تۇنشىعىپ قايتىس بولعانىن دا بىلەسىزدەر. سوندىقتان دا، ەل قاۋىپسىزدىگى ءۇشىن كارىز سورعى ستانتسيالارىن جاڭارتۋعا باسا ءمان بەرىپ وتىرمىز. جيىرما ءۇش ستانتسيا بيىل مامىر ايىندا تولىق جاڭارتىلىپ بىتەدى، –دەدى قالا اكىمى.

ولارعا شۆەتسيادا جاسالعان جارىق ۇنەمدەگىش سورعىلار مەن قاتتى قالدىقتى ۇنتايتىن اۆتوماتتى قوندىرعىلار ورناتىلادى. ال جەلدەتكىش سۇزگى كومىرتەك توتىعى گازىن اتموسفەراعا تازارتىپ شىعارادى.

سوڭعى جاڭالىقتار

ەلدىك نىشاندار تاريحى

قازاقستان • بۇگىن، 18:14

اتىراۋ: ءۇي قاماققا قامالعان قىز

ايماقتار • بۇگىن، 18:00

بيىل اۋىلعا تابيعي گاز جەتەدى

ايماقتار • بۇگىن، 14:29

ۇقساس جاڭالىقتار