نۇر-سۇلتان قالاسىنان شىعا بەرىستەگى «نۇر-سۇلتان – پەتروپاۆل» اۆتوجولى بويىنداعى №2 باقىلاۋ-وتكىزۋ بەكەتىن ارالاۋ كەزىندە ۇكىمەت باسشىسىنا ەلوردانىڭ كارانتينگە جابىلۋى كەزىندەگى ىشكى ىستەر قىزمەتكەرلەرىنىڭ, سانيتاريالىق-ەپيدەميولوگيالىق باقىلاۋ جانە قارۋلى كۇشتەردىڭ اسكەري قىزمەتكەرلەرىنىڭ بەكەتتەگى قىزمەتى تۋرالى باياندالدى.
ا. مامين قاجەت بولعان جاعدايدا ستاتسيونارلىق كارانتيندى قامتاماسىز ەتۋ ءۇشىن قالالىق ينفراقۇرىلىم نىساندارىن قايتا جاراقتاۋ بويىنشا اتقارىلىپ جاتقان جۇمىستار بارىسىمەن تانىستى.
ۇكىمەت باسشىسى ەلوردا اكىمدىگىنىڭ, پوليتسيا جانە دەنساۋلىق ساقتاۋ قىزمەتكەرلەرى مەن قارۋلى كۇشتەردىڭ اسكەري قىزمەتكەرلەرىنىڭ كارانتين رەجيمى جاعدايىندا ۇيلەسىمدى جۇمىسىن قامتاماسىز ەتۋدى تاپسىردى.
تەكسەرۋ ساپارىنا نۇر-سۇلتان قالاسىنىڭ اكىمى ا. كولگىنوۆ, دەنساۋلىق ساقتاۋ ءمينيسترى ە. ءبىرتانوۆ, ىشكى ىستەر ءمينيسترى ە. تۇرعىمباەۆ جانە قورعانىس ءمينيسترى ن. ەرمەكباەۆ قاتىستى.
