1968 جىلدىڭ قاراشاسىنىڭ اياعىندا مەنى سول كەزدەگى گۋرەۆ (قازىرگى اتىراۋ) وبلىستىق كومسومول كوميتەتىنىڭ ءبىرىنشى حاتشىسى مىرزاعالي مۇحامبەتوۆ شاقىردى. ول كەزدە دوسسورداعى اۆتوموبيل, تراكتور جانە مۇناي جابدىقتارىن جوندەۋ مەن شىعارۋ زاۋىتىنىڭ باس ينجەنەرى بولىپ جۇمىس ىستەيتىنمىن. كەلەسى كۇنى ايتىلعان ۋاقىتتا مەن وبلىس ورتالىعىنا كەلدىم دە, م.مۇحامبەتوۆتىڭ كابينەتىنە كىردىم. ءماجىلىس وتكىزەتىن ۇستەلدىڭ باسىندا وبلىستىق پارتيا كوميتەتىنىڭ ۇيىمدىق ءبولىمىنىڭ مەڭگەرۋشىسى م.ق.ءتاجين وتىر ەكەن. بۇرىن جۇزبە-ءجۇز كەزدەسپەگەن ادامىم, ايتسە دە سىرتىنان جاقسى بىلەتىنمىن, وبلىستىق, اۋداندىق پارتيا جانە جاستار فورۋمدارىندا سويلەگەن سوزدەرىن تالاي تىڭداعانمىن. سول جازدا «پريكاسپيسكايا كوممۋنا» گازەتىنەن م.ق.تاجينمەن سۇحباتتى وقىعان ەدىم. ءتىلشى ونى 35 جاسقا تولۋىمەن قۇتتىقتاپ, كوپتەگەن سۇراقتار قويعان, قايتارىلعان جاۋاپتاردان ونىڭ ءومىربايانىنان ەگجەي-تەگجەيلى حاباردار بولعانمىن.
1968 جىلدىڭ قاراشاسىنىڭ اياعىندا مەنى سول كەزدەگى گۋرەۆ (قازىرگى اتىراۋ) وبلىستىق كومسومول كوميتەتىنىڭ ءبىرىنشى حاتشىسى مىرزاعالي مۇحامبەتوۆ شاقىردى. ول كەزدە دوسسورداعى اۆتوموبيل, تراكتور جانە مۇناي جابدىقتارىن جوندەۋ مەن شىعارۋ زاۋىتىنىڭ باس ينجەنەرى بولىپ جۇمىس ىستەيتىنمىن. كەلەسى كۇنى ايتىلعان ۋاقىتتا مەن وبلىس ورتالىعىنا كەلدىم دە, م.مۇحامبەتوۆتىڭ كابينەتىنە كىردىم. ءماجىلىس وتكىزەتىن ۇستەلدىڭ باسىندا وبلىستىق پارتيا كوميتەتىنىڭ ۇيىمدىق ءبولىمىنىڭ مەڭگەرۋشىسى م.ق.ءتاجين وتىر ەكەن. بۇرىن جۇزبە-ءجۇز كەزدەسپەگەن ادامىم, ايتسە دە سىرتىنان جاقسى بىلەتىنمىن, وبلىستىق, اۋداندىق پارتيا جانە جاستار فورۋمدارىندا سويلەگەن سوزدەرىن تالاي تىڭداعانمىن. سول جازدا «پريكاسپيسكايا كوممۋنا» گازەتىنەن م.ق.تاجينمەن سۇحباتتى وقىعان ەدىم. ءتىلشى ونى 35 جاسقا تولۋىمەن قۇتتىقتاپ, كوپتەگەن سۇراقتار قويعان, قايتارىلعان جاۋاپتاردان ونىڭ ءومىربايانىنان ەگجەي-تەگجەيلى حاباردار بولعانمىن.
مۇحامبەتقازى قاۋىس ۇلى اقتوبە وبلىسىنىڭ شالقار اۋدانىنداعى №63 رازەزدە تەمىرجولشىنىڭ وتباسىندا تۋعان ەكەن. اكەسى قاۋىس 1908 جىلى تۋعان, 1944 جىلى ۇلى وتان سوعىسى مايدانىندا حابارسىز كەتىپتى, اناسى بيعايشا 1910 جىلى تۋعان, اقتوبەدە تۇرادى.
1954 جىلى اباي اتىنداعى قازاق مەملەكەتتىك پەداگوگيكا ينستيتۋتىن ءبىتىرىپ, تاريح ءپانىنىڭ مۇعالىمى ماماندىعىن الادى. قىزمەت جولىن سول ينستيتۋتتىڭ ماركسيزم-لەنينيزم كابينەتىنىڭ مەڭگەرۋشىسى بولىپ باستاعان. الماتى قالاسىنداعى فرۋنزە اۋداندىق كومسومول كوميتەتىنىڭ ەكىنشى حاتشىسى, قالالىق كومسومول كوميتەتىنىڭ ناسيحات جانە ۇگىت ءبولىمىنىڭ مەڭگەرۋشىسى, فرۋنزە اۋداندىق كومسومول كوميتەتىنىڭ ءبىرىنشى حاتشىسى, رەسپۋبليكا كومسومولى ورتالىق كوميتەتىنىڭ نۇسقاۋشىسى, اقتوبە وبلىستىق كومسومول كوميتەتىنىڭ ەكىنشى حاتشىسى, وبلىستىق گازەتتىڭ ءتىلشىسى, اقتوبە وبلىستىق پارتيا كوميتەتىنىڭ لەكتورى, ناسيحات جانە ۇگىت ءبولىمىنىڭ مەڭگەرۋشىسى بولعان, ءتورت جىلداي گۋرەۆ وبلىستىق پارتيا كوميتەتىندە ناسيحات جانە ۇگىت ءبولىمىنىڭ مەڭگەرۋشىسى بولىپ ىستەپ, 1968 جىلدىڭ اقپانىندا وبلىستىق پارتيا كوميتەتىنىڭ ۇيىمدىق ءبولىمىنىڭ مەڭگەرۋشىسى قىزمەتىنە تاعايىندالعان. وسى باسپالداقتاردىڭ ءبارىن ول از ۋاقىتتىڭ اياسىندا ءجۇرىپ وتكەن. ول كەز ءۇشىن 27 جاستا وبلىستىق پارتيا كوميتەتىنىڭ ناسيحات جانە ۇگىت ءبولىمىنىڭ مەڭگەرۋشىسى بولۋ ءۇشىن ايرىقشا قابىلەت قاجەت ەدى.
سالەمدەسۋدەن كەيىن مۇحامبەتقازى قاۋىس ۇلى مەنى اڭگىمەگە شاقىرۋدىڭ سەبەبىن ايتتى.
1968 جىلدىڭ 25 قاراشاسىندا ماڭعىستاۋدا جاڭادان قۇرىلعان جاڭاوزەن اۋدانىندا پارتيا كونفەرەنتسياسى وتكىزىلگەن بولاتىن. اۋداندىق پارتيا كوميتەتى جاساقتالعان. اۋپارتكومنىڭ ءبىرىنشى حاتشىسى بولىپ دميتري نيكولاەۆيچ كلينچەۆ سايلانعان. ەندى اۋداندىق كومسومول ۇيىمىن قۇرۋ كەرەك.
1965 جىلعى اقپاندا وبلىس بۇكىلوداقتىق ەكپىندى كومسومول قۇرىلىسى دەپ جاريالاندى. سودان كەيىن-اق قازىنالى تۇبەككە بۇكىل كەڭەس وداعىنان سان ءتۇرلى ۇلتتاردىڭ جاستارى اعىلىپ كەلە باستادى. تۇرعىنداردىڭ باسىم كوپشىلىگى جاستار بولاتىن.
– اۋداندىق كومسومول كوميتەتىنىڭ ءبىرىنشى حاتشىسى ەتىپ سايلاۋ ءۇشىن سەنىڭ كانديداتۋراڭا توقتام جاساپ وتىرمىز. نە ايتاسىڭ؟ – مۇحامبەتقازى قاۋىس ۇلى ماعان وسىلاي دەدى.
ازىراق ويلانىپ بارىپ, مەن ءوزىمنىڭ كۇدىك-كۇمانىمدى ايتا باستادىم, كومسومولدىق جۇمىستا تاجىريبەم جوق, سالعان بەتتەن اۋداندىق اۋقىمداعى جاستار جەتەكشىسى قىزمەتىن الىپ كەتۋ قيىن بولاتىن سياقتى, دەدىم.
ول كىسى جىميىپ ك ۇلىپ قويدى دا بىلاي دەدى: راۆيل, سەن 14 جاستان بەرى كومسومولداسىڭ, ينستيتۋتقا دەيىن 5 جىل زاۋىتتا سلەسار, تسەحتىق كومسومول ۇيىمىنىڭ حاتشىسى بولعانسىڭ. ماسكەۋدەگى مۇناي ينستيتۋتىن بىتىرگەننەن كەيىن مىنە, 2 جىلدان استام ۋاقىت بويى ىرگەلى زاۋىتتاعى كومسومول ۇيىمىنىڭ حاتشىسىسىڭ, وبلىستىق كومسومول كوميتەتىنىڭ مۇشەسىسىڭ, اۋداندىق كومسومول كوميتەتىنىڭ شتاتتان تىس حاتشىسىسىڭ. ساعان تاعى قانداي تاجىريبە كەرەك؟ ونىڭ ۇستىنە ەكى جىلدان ا
