قالا باسشىسى الدىمەن حالىققا قىزمەت كورسەتۋ ورتالىعىنا باردى. جالپى «ازاماتتارعا ارنالعان ۇكىمەت» مەملەكەتتىك كورپوراتسياسىندا 642 مەملەكەتتىك قىزمەت ءتۇرى بار, ونىڭ 608 قىزمەتى ەلەكتروندى تۇردە كورسەتىلەدى. سونداي-اق تۇرعىندار بىرىڭعاي بايلانىس ورتالىعىنا قوڭىراۋ شالۋ ارقىلى دا قاجەتتى اقپارات الادى. مۇندا قاۋىپسىزدىك شارالارىنىڭ تالاپقا ساي ەمەستىگىن ەسكەرتكەن قالا باسشىسى ورتالىق ديرەكتورىنا تۇرعىنداردى بىرتىندەپ كىرگىزىپ, عيماراتقا دەزينفەكتسيالىق زاتتار قويۋدى قاتاڭ تاپسىردى.
شاھار باسشىسى قالا ورتالىعىنداعى «قازپوچتا» بولىمشەسى عيماراتىنىڭ دا سانيتارلىق جاعدايىن سىنعا الىپ, تۇرعىندارعا ارنالعان كۇتۋ زالدارى مەن ەسىك الدى لايىقتى جاساقتالماعانىن ايتتى.
ودان ءارى «قورقىت اتا» جانە «قىزىلوردا» ساۋدا ورتالىقتارىنىڭ جالعا الۋشىلارىمەن كەزدەسىپ, قازىرگى جاعدايدى ءتۇسىندىرىپ ءوتتى. بازار باسشىلارىنا حالىقتىڭ كەلىپ كەتۋى مەن جۇمىس جاساۋىنا قولايلى جاعداي جاساپ, سانيتارلىق قاۋىپسىزدىك شارالارىن كۇشەيتىپ, ازىق-ت ۇلىك ونىمدەرىنىڭ باعاسىن تۇراقتى ۇستاپ تۇرۋدى جۇكتەدى.
