زاۋىتتا ەڭبەك زاڭدىلىقتارى قاتاڭ ساقتالعان. تسەحتار جۇمىسى دا قالىپتى كەستەگە سايكەس جۇرگىزىلۋدە. سانيتارلىق ەرەجەلەردى ساقتاۋ ماسەلەسى كىرە بەرىستەن-اق تالاپ ەتىلەدى. ەسىكتىڭ تۇتقالارى بارلىعى سانيتارلىق تالاپتارعا ساي تازارتىلىپ وتىرادى. سانيتايزەرلەر ورناتىلعان. ماسكا كيىپ ءجۇرۋ ماسەلەسىن مەدبيكەلەر قاتاڭ باقىلاۋعا العان. قولدى دەزينفەكتسيالاعاننان كەيىن بارىپ قانا جۇمىسقا كىرىسۋگە بولادى.
ء–بارىن باقىلاپ تەكسەرۋ جۇرگىزەمىز. بارلىق سانيتارلىق تالاپتار ساقتالادى. بىزگە انتيسەپتيكتەر, سۇيىق سابىندار بەرىلدى. ءبىز ونى قۇرىلعىلارعا قۇيىپ, شاشىراتقىشتار قويىپ قويدىق,–دەيدى «تىنىس» اكتسيونەرلىك قوعامى مەديتسينا بەكەتىنىڭ مەڭگەرۋشىسى ليۋبوۆ پروششينسكايا.
قر ەڭبەك جانە حالىقتى الەۋمەتتىك قورعاۋ ءمينيسترى توتەنشە جاعداي كەزىندە بارلىق كاسىپورىندار مەنشىك نىسانىنا قاراماستان, قاشىقتىقتان جۇمىس ىستەۋگە كوشۋ كەرەكتىگىن ايتتى. بىراق, بارلىق جۇمىستى ونلاين رەجيمىنە اۋىستىرۋ مۇمكىن بولمايتىن جاعدايلار بار. «تىنىس» زاۋىتى قالىپتى جۇمىس كەستەسى بويىنشا ەڭبەك ەتۋدە.
–جۇمىس ۋاقىتى وزگەرگەن جوق. بارلىق سانيتارلىق نۇسقاۋلار قاتاڭ ساقتالادى,–دەيدى «تىنىس» اكتسيونەرلىك قوعامى كاسىپوداق ۇيىمىنىڭ توراعاسى بەيبىت نۇراحاەۆ.
ەڭبەك كودەكسىنىڭ 70 بابى جۇمىس بەرۋشىگە قىسقارتىلعان جۇمىس ۋاقىتىن بەلگىلەۋگە قۇقىق بەرەدى. ياعني, جۇمىس ساعاتى ازايادى. بىراق, زاۋىتتا مۇنداي قاجەتتىلىك جوق. ۇجىم تولىعىمەن جۇمىس ىستەپ جاتىر.
ء–بىزدىڭ تسەح بۇرىنعىداي جۇمىسىن جالعاستىرۋدا. تاڭعى ساعات 8-دەن كەشكى 17.00-گە دەيىن. تۇسكى اس 12.20-دان 12.40-قا دەيىن. زاۋىت باسشىلىعى كوپتەگەن انتيسەپتيكتەر مەن تازارتقىش قۇرالدار ساتىپ العان. شەبەرحانالار مەن بولىمدەردە جەتكىلىكتى. ماسكالار بارلىق جۇمىسشىلارعا تاراتىلدى. ءار ءبولىمنىڭ كىرە بەرىسىنە شاشىراتقىش تازارتقىشتار ورناتىلعان. ءاربىر اۋىسىمنىڭ الدىندا تسەحتار مەن بولمەلەر تازارتىلادى,–دەيدى قۇيۋ-بالقىتۋ تسەحىنىڭ جەتەكشىسى نۇرجان سەيتەنوۆ.
زاۋىت بىرنەشە مارتە پايدالانۋعا ارنالعان ماسكالار شىعارا باستادى. ونىمگە دەگەن سۇرانىس كۇن ساناپ ارتۋدا.
– ءبىز «تىنىس» زاۋىتىنا ماسكا ساتىپ الۋ ءۇشىن كەلدىك. ءبىز الدىن-الا تولەم جاساپ, جۇمىسشىلارىمىز ءۇشىن تاپسىرىس بەردىك. قالادا بىرنەشە كۇن بويى ءدارىحانالاردا ماسكا تابۋ قيىن بولىپ تۇر. بىزگە شامامەن 200 دانا كەرەك. ماسكا تىگۋگە ارنالعان شيكىزات رەسەيدەن ساتىپ الىنادى. بۇل ماتا مەن رەزەڭكە جولاقتار. ماسكانىڭ ساتىلىمداعى باعاسى 270 تەڭگە. ازىرگە «التىنتاۋ-كوكشەتاۋ» كاسىپورنى 60 مىڭ ماسكاعا تاپسىرىس بەرگەن,–دەيدى «گولد اەg» سەرىكتەستىگىنىڭ وكىلى ەرجان عالىم ۇلى.
– بۇگىنگى تاڭدا 8 مىڭ ماسكا تىگىلدى. بۇل قۇقىق قورعاۋ ورگاندارىنا, الەۋمەتتىك مەكەمەلەرگە ارنالعان. تاعى 3 مىڭ ماسكاعا جەتەرلىك ماتەريال بار. 90 مىڭعا جۋىق ماسكاعا تاپسىرىس بەرىلدى. جەتىسپەۋشىلىك بار, بىراق ءبىز شيكىزاتقا تاپسىرىس بەردىك, ءۇش-بەس كۇن ىشىندە جەتكىزىلەدى. بىراق قازىرگى جاعدايعا بايلانىستى شەكارادان قالاي وتەدى دەگەن ماسەلە تۋىنداپ تۇر,–دەيدى «تىنىس» اكتسيونەرلىك قوعامى ساتۋ ءبولىمىنىڭ جەتەكشىسى ايبەك قابيەۆ.
ەلدەگى توتەنشە جاعداي كەزىندە ەڭ اۋەلى ءىرى ءوندىرىس ورىندارىنداعى جۇمىسشىلاردىڭ جۇمىس كەستەسىنە ەرەكشە نازار اۋدارىلادى. سەبەبى, ازاماتتاردىڭ الاڭسىز ەڭبەك ەتۋىنە بارلىق جاعداي جاسالۋى ءتيىس. بيىلدان باستاپ قر «الەۋمەتتىك ساقتاندىرۋ تۋرالى» زاڭىنا وزگەرتۋلەر ەنگىزىلگەن. ەگەر قىزمەتكەر جۇمىستان بوساتىلسا, سەبەبىنە قاراماستان 6 اي كولەمىندە مەملەكەتتىك ساقتاندىرۋ قورىنان الەۋمەتتىك جاردەماقى الۋعا قۇقىلى. تولەم مولشەرى جالاقىنىڭ 40 پروتسەنتىن قۇرايدى. ول ءۇشىن جۇمىسپەن قامتۋ ورتالىعىندا جۇمىسسىز رەتىندە تىركەلۋ قاجەت. مۇنى قاشىقتىقتان راسىمدەۋگە دە بولادى. بۇدان ءارى الەۋمەتتىك تولەم ونلاين تۇردە راسىمدەلەدى.
كوكشەتاۋ قالاسى
