وبلىستاعى ارنايى الەۋمەتتىك قىزمەت كورسەتۋ ورتالىقتارى بۇگىندە 1322 ادامعا قىزمەت كورسەتەدى. ولاردىڭ قاۋىپسىزدىگىن قامتاماسىز ەتۋ ماقساتىندا بارلىق ستاتسيونارلار كارانتينگە جابىلدى.
– وڭىردە 10 ينتەرنات ء ۇيى بار. 6-ۋى پسيحونەۆرولوگيالىق ورتالىق. بالالار مەن قارتتارعا 790 مامان قىزمەت كورسەتەدى. قاۋىپسىزدىكتى كۇشەيتۋ ماقساتىندا ورتالىقتاردا دەزينفەكتسيالىق رەجيم ەنگىزىلدى. ماماندار جاپپاي ماسكا تاعادى. تازالىققا ەرەكشە ءمان بەرىلۋدە. ورتالىقتاردا ازىق-ت ۇلىكتىڭ 2-3 ايعا جەتەتىن قورى بار. ماسكا دا جەتەرلىك. قازىر 20 مىڭ داناسى تۇر,–دەيدى وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ جەتەكشىسى دينا احمەتجانوۆا.
وڭىرگە شەتەلدەن جۇمىس كۇشىن تارتۋ ماقساتىندا بيىل 161 كۆوتا بەرۋ قاراستىرىلعان. ەكى ايدا ونىڭ 5-ۋىنە رۇقسات بەرىلگەن. ەلدە جاريالانعان توتەنشە جاعداي رەجيمىنە سايكەس قازىر شەتەلدەن كەلەتىن ەڭبەك ميگرانتتارىنا رۇقسات بەرۋ توقتاتىلدى. ايتا كەتەيىك, وڭىردەگى 15 كاسىپورىندا شەتەل ازاماتتارى ەڭبەك ەتەدى.
–بۇل ءۇردىس ۋاقىتشا توقتادى. قازىردە ەلىمىزدە 29 رۇقسات قاعازىمەن جۇمىس ىستەپ جاتقان شەتەل ازاماتى بار. ولاردىڭ مەرزىمى ۇزارتىلدى,–دەيدى وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ جەتەكشىسى دينا احمەتجانوۆا.
كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا جەكەلەگەن ۇيىمداردىڭ قىزمەتى شەكتەلگەن. سوندىقتان, بۇگىندە بىرقاتار ەڭبەككەرلەر تولىق ەمەس جانە قاشىقتىقتان جۇمىس ىستەۋگە كوشىرىلدى.
–ەڭبەك كودەكسىنىڭ 112-بابىنا سايكەس اقى تولەۋ تالاپتارى ەڭبەك, ۇجىمدىق شارتتارىمەن ايقىندالادى جانە جالاقىنىڭ ەڭ تومەن مولشەرىنەن, ياعني, 42500 تەڭگەدەن كەم بولمايتىن مولشەردە بەلگىلەنەدى,–دەيدى وبلىستىق ەڭبەك ينسپەكتسياسى جونىندەگى باسقارماسى جەتەكشىسىنىڭ مىندەتىن اتقارۋشى دۇيسەنبەك بايمۇسىنوۆ.
وبلىستىق ەڭبەك ينسپەكتسياسى ءبىر ايدا جۇمىسشىلاردان تۇسكەن جۇزگە جۋىق ارىز-شاعىمدى قاراستىرادى. ەلدەگى سوڭعى كۇندەردەگى توتەنشە جاعداي رەجيمىنە بايلانىستى جۇمىسشىلار تاراپىنان ەڭبەك قۇقىعىنىڭ بۇزىلۋىنا قاتىستى بىردە-ءبىر ارىز تۇسپەگەن.
