*اۋىل تۇرعىندارىنىڭ قازىرگى باستى ماقساتى – استىقتى دەر كەزىندە جيناپ الىپ ساقتاۋ. كەشە شىعىس قازاقستان وبلىسىنىڭ اكىمى بەردىبەك ساپارباەۆ شەمونايحا اۋدانىندا شارۋا قوجالىقتارى مەن اۋىلشارۋاشىلىق قۇرىلىمدارى جەتەكشىلەرىنە وسىنداي مىندەت جۇكتەدى.
*اۋىل تۇرعىندارىنىڭ قازىرگى باستى ماقساتى – استىقتى دەر كەزىندە جيناپ الىپ ساقتاۋ. كەشە شىعىس قازاقستان وبلىسىنىڭ اكىمى بەردىبەك ساپارباەۆ شەمونايحا اۋدانىندا شارۋا قوجالىقتارى مەن اۋىلشارۋاشىلىق قۇرىلىمدارى جەتەكشىلەرىنە وسىنداي مىندەت جۇكتەدى.
* 2015 جىلى باستاۋىش سىنىپ وقۋشىلارى اپتاسىنا بەس كۇن وقۋ تارتىبىنە كوشەدى. بۇل جونىندە كەشە ى.التىنسارين اتىنداعى ۇلتتىق ءبىلىم اكادەمياسىنىڭ ۆيتسە-پرەزيدەنتى ءادىلحان دۇيسەبەك ءمالىم ەتتى. وسى ارقىلى 12 جىلدىق ءبىلىم بەرۋ جۇيەسى دە سورەدەن شىعادى.
*استانادا 2800 ورىندىق 12 بالاباقشانىڭ قۇرىلىسى باستالدى. ال «بالاپان» باعدارلاماسى شەڭبەرىندە بيىل 2600 ورىندىق 6 مەملەكەتتىك, 8 جەكەمەنشىك بالاباقشا, 2 شاعىن ورتالىق اشىلدى.
*پاۆلودار وبلىسىندا 33 سپورت الاڭى سالىنادى. پاۆلودار وبلىستىق دەنە شىنىقتىرۋ جانە سپورت باسقارماسىنىڭ باستىعى مارات ايداشەۆ بۇل ءۇشىن وبلىستىق بيۋدجەتتەن 150 ملن. تەڭگە كولەمىندە ماقساتتى ترانسفەرت بولىنگەنىن ايتىپ وتىر.
* اقتاۋدا وتكەن «شىن ءجۇرەكتەن» اكتسياسىنىڭ اياسىندا 150 وتباسىعا كومەك كورسەتىلدى. كومەككە مۇقتاج ادامداردىڭ جارتىسىنان استامى ازىق-ت ۇلىكتىڭ 12 تۇرىنەن قۇرالعان قورجىندار الىپ, قالعاندارى مەكتەپكە قاجەتتى سومكەلەر, كانتسەلياريا ونىمدەرى, البومدار, داپتەرلەر سەكىلدى بۇيىمدارعا يە بولدى.
* قىزىلوردا وبلىسىندا بيىل ءبىرىنشى سىنىپقا باراتىن ەگىز بالالارعا سىيلىق تاپسىرۋ ءراسىمى ءوتتى. «مەكتەپكە جول» اكتسياسى اياسىندا ۇيىمداستىرىلعان شارادا وبلىس اكىمى قىرىمبەك كوشەرباەۆ كوپبالالى جانە تۇرمىستارى تومەن وتباسىلارىنان شىققان 40 بۇلدىرشىنگە پورتفەلدەر مەن مەكتەپ جابدىقتارىن ساتىپ الاتىن سەرتيفيكاتتار ۇسىندى.
* شىمكەنتتە جاستارعا كەڭەس بەرۋ ورتالىعى قاتارعا قوسىلدى. «نۇر وتان» حدپ «جاس وتان» جاستار قاناتىنىڭ وڭتۇستىكتەگى فيليالىنىڭ باستاماسىمەن اشىلعان مەكەن جاستاردىڭ قۇقىقتىق ساۋاتتىلىعىن ارتتىرۋدى كوزدەيدى.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.
