قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى الەكساندر سۋدين ءبىزدىڭ ەلىمىزدەگى ديپلوماتيالىق قىزمەتىن اياقتاعان ۋكراينانىڭ قازاقستانداعى توتەنشە جانە وكىلەتتى ەلشىسى ولەگ دەمينمەن كەزدەستى, دەپ حابارلادى پالاتانىڭ ءباسپاسوز قىزمەتى.
قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى الەكساندر سۋدين ءبىزدىڭ ەلىمىزدەگى ديپلوماتيالىق قىزمەتىن اياقتاعان ۋكراينانىڭ قازاقستانداعى توتەنشە جانە وكىلەتتى ەلشىسى ولەگ دەمينمەن كەزدەستى, دەپ حابارلادى پالاتانىڭ ءباسپاسوز قىزمەتى.
كەزدەسۋدە ەكىجاقتى ىنتىماقتاستىق جانە كوپجاقتى تۇرعىدا ءوزارا ءىس-قيمىل اياسىنداعى وزەكتى ماسەلەلەر بويىنشا سىندارلى پىكىر الماسىلدى. «ءبىزدىڭ ەلدەرىمىز اراسىنداعى قارىم-قاتىناستار داعدىلى تۇردەگى ءوزارا تۇسىنىستىك جانە سەنىم اياسىندا دامىپ كەلەدى. ۋكراينا قازاقستاننىڭ ماڭىزدى ساياسي جانە ساۋدا ارىپتەستەرىنىڭ ءبىرى. سىندارلى ۇنقاتىسۋ مەن ناقتى كەلىسىمدەردىڭ ارقاسىندا ءبىزدىڭ ەلدەرىمىز ەكىجاقتى ىنتىماقتاستىقتىڭ جاڭا دەڭگەيىنە قول جەتكىزدى. ەكى مەملەكەتتىڭ باعىت-باعدارى ايماقتىق جانە حالىقارالىق ساياساتتىڭ كوپتەگەن ماسەلەلەرىندە جاقىن جانە نىعايا تۇسۋدە», دەپ اتاپ ءوتتى ا.سۋدين.
ەكىجاقتى قاتىناستاردى نىعايتۋعا قوسقان ۇلەسى ءۇشىن سەنات توراعاسىنىڭ ورىنباسارى ۋكراينا ديپلوماتى و.دەمينگە العىس ايتا كەلىپ, ونىڭ ديپلوماتيالىق قىزمەتىنىڭ تابىستى جالعاسا بەرۋىنە تىلەكتەستىگىن ءبىلدىردى.
***
تاراز قالاسىندا پارلامەنت سەناتى ەكونوميكالىق دامۋ جانە كاسىپكەرلىك كوميتەتىنىڭ حاتشىسى سارسەنباي ەڭسەگەنوۆتىڭ قاتىسۋىمەن «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» جاڭا زاڭ ەرەجەلەرىن ءتۇسىندىرۋ ماقساتىندا جينالىس بولدى.
شاراعا ەلىمىزدىڭ وڭىرلىك دامۋ مينيسترلىگىنىڭ, جەرگىلىكتى اتقارۋشى بيلىكتىڭ, «اتامەكەن» وداعى» ۇلتتىق ەكونوميكالىق پالاتاسىنىڭ وكىلدەرى جانە وڭتۇستىك قازاقستان, جامبىل جانە قىزىلوردا وبلىستارىنداعى بيزنەس قۇرىلىمدارىنىڭ باسشىلارى قاتىستى.
ۇلتتىق كاسىپكەرلەر پالاتاسى تۋرالى زاڭ پالاتاعا كاسىپكەرلەردىڭ رەسپۋبليكالىق, ايماقتىق جانە اۋداندىق دەڭگەيدە مىندەتتى تۇردە مۇشە بولۋىن قاراستىرادى.
– جاڭا زاڭ كاسىپكەرلىك باستامالاردى ىسكە اسىرۋعا قولايلى قۇقىقتىق, ەكونوميكالىق جانە الەۋمەتتىك جاعدايلارمەن قامتاماسىز ەتۋ جانە بيزنەس قاۋىمداستىقتارى مەن قازاقستاننىڭ مەملەكەتتىك ورگاندارى اراسىنداعى ارىپتەستىكتى دامىتۋ, سونداي-اق جەكە كاسىپكەرلەردى ىنتالاندىرۋ مەن ولاردىڭ بىرلەستىكتەرى قىزمەتىنە قولداۋ كورسەتۋ ماقساتىندا ازىرلەندى, – دەپ اتاپ ءوتتى سارسەنباي ەڭسەگەنوۆ.
* * *
پارلامەنت سەناتىنىڭ دەپۋتاتى سەرگەي پلوتنيكوۆتىڭ شىعىس قازاقستان وبلىسىنا ساپارى بارىسىنداعى سايلاۋشىلارمەن كەزدەسۋدە ەگىن ورۋ, جىلۋ بەرۋ ماۋسىمىنا ازىرلىك, الەۋمەتتىك-مادەني نىساندار قۇرىلىسى ماسەلەلەرى تالقىلاندى.
سەناتور كاتونقاراعاي, زىريان, گلۋبوكوە اۋداندارىندا جانە وسكەمەن قالاسىندا بولدى. كاتونقاراعاي اۋدانىندا س.پلوتنيكوۆ دەپۋتات قولداۋىمەن سالىنعان جاڭا بالاباقشا مەن مەكتەپتە بولدى. جاڭا مەكتەپ 1 قىركۇيەكتە پايدالانۋعا بەرىلەدى. سەناتور الداعى ۋاقىتتا ۇلكەن نارىن اۋىلىندا تاعى ءبىر مەكتەپ قۇرىلىسىن سالۋ كوزدەلىپ وتىرعانىن ايتتى. سونىمەن قاتار, ول قازىرگى كەزدە اپاتتى جاعدايدا تۇرعان مەكتەپ ورنىنا قۇرىلىس جۇمىستارىن جۇرگىزۋ ءۇشىن دەپۋتاتتىق ساۋالىندا ماسەلە كوتەرۋ قاجەتتىگىن جەتكىزدى.
