ايماقتار • 18 ناۋرىز، 2020

قىزىلوردا: بالالار ەسىرتكىسىز ەرتەڭ ءۇشىن

125 رەتكورسەتىلدى

ناشاقورلىققا جانە ەسىرتكى بيزنەسىنە قارسى ءىس-قيمىلعا باعىتتالعان قىزمەتتى ۇيلەستىرۋ جونىندەگى وبلىستىق ۆەدومستۆوارالىق شتاب پەن وبلىستىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ ءىس-شارالارى جوسپارى اياسىندا وقۋشىلار اراسىندا  «مەن  ساعان  ەسىرتكى  جايلى  ايتىپ  بەرەمىن...» تاقىرىبىندا شىعارماشىلىق  سايىس ۇيىمداستىرىلدى.

جاسوسپىرىمدەردىڭ ەسىرتكىنىڭ زيانى جايلى تانىمىن كەڭەيتىپ، ولاردى جامان ادەتتەن اۋلاق بولۋعا ۇندەگەن سايىستا قاتىسۋشىلار ەسسە جازدى.

قىرىق ءۇش شاكىرت قاتىسقان سايىستىڭ قورىتىندىسىندا تاپسىرىلعان جۇمىستارعا تالداۋ جاساعان ماماندار جاسوسپىرىمدەردىڭ ادامزات ءۇشىن تاجالعا اينالعان  ەسىرتكىنىڭ زيانىن تالداۋدا كوپ ىزدەنگەندەرىن اتاپ ءوتتى.

كوميسسيا شەشىمىمەن قالاداعى №23 مەكتەپ-ليتسەي وقۋشىسى ءامينا جيىنباەۆا (I ورىن)، №176 ورتا مەكتەپتەن قاتىسقان بەكزات تاسقىنباي (II ورىن)، №271 ورتا مەكتەپ وقۋشىسى ماليكا ابساتقىزى (III ورىن) وبلىس جەڭىمپازدارى اتاندى.

تاعى 10 وقۋشى ايماقتىق سايىس ۇزدىكتەرى بولىپ تانىلدى. جەڭىمپازدارعا ديپلومدار مەن باعالى سىيلىقتار تابىس ەتىلدى. 

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار