جيىندا ايماق باسشىسى قالا جانە اۋدان اكىمدىكتەرى, وبلىستىق كاسىپكەرلىك جانە تۋريزم, مادەنيەت, ارحيۆتەر جانە قۇجاتتاما باسقارمالارى, پوليتسيا دەپارتامەنتى جانە "اتامەكەن" كاسىپكەرلەردى قولداۋ پالاتاسىمەن بىرلەسىپ اعىمداعى جىلدىڭ 16 ناۋرىزىنان باستاپ كوپشىلىك ءىس-شارالارعا تىيىم سالىپ, ادامدار كوپ شوعىرلاناتىن نىسانداردا سانيتاريالىق-دەزينفەكتسيالىق رەجيمدى ساقتاۋ قاجەتتىگىن تاپسىردى.
- بۇل باعىتتاعى تاپسىرما مەن تالاپ بارىڭىزگە بەلگىلى. بىزگە ەڭ ءبىرىنشى حالىقتىڭ اماندىعى كەرەك. الگوريتم بار. مەملەكەت باسشىسى تاپسىرما بەردى, ۇكىمەتتىڭ تاراپىنان ءتيىستى تاپسىرمالار كەلىپ وتىر. ەندى ءبىز ءار سالا وسىنى ءوز دارەجەسىندە ورىنداۋىمىز قاجەت. سەنبى كۇنى قالانىڭ ۇلكەن جانە الەۋمەتتىك دۇكەندەرىن ارالاپ كوردىم, ازىق-ت ۇلىك قورى جەتكىلىكتى. تۇرعىندار تۇتىناتىن 19-دان اسا ءونىمنىڭ بارلىق ءتۇرى بار, - دەدى وبلىس اكىمى.
