كەشە پرەمەر-مينيستر سەرىك احمەتوۆتىڭ توراعالىعىمەن وتكەن سەلەكتورلىق كەڭەستە ءبىلىم بەرۋ ۇيىمدارىن 2013-2014 جاڭا وقۋ جىلىنا دايىنداۋ ماسەلەسى تالقىلاندى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەشە پرەمەر-مينيستر سەرىك احمەتوۆتىڭ توراعالىعىمەن وتكەن سەلەكتورلىق كەڭەستە ءبىلىم بەرۋ ۇيىمدارىن 2013-2014 جاڭا وقۋ جىلىنا دايىنداۋ ماسەلەسى تالقىلاندى, دەپ حابارلادى پرەمەر-ءمينيستردىڭ ءباسپاسوز قىزمەتى.
ءبىلىم جانە عىلىم ءمينيسترى باقىتجان جۇماعۇلوۆ حابارلاعانداي, الداعى وقۋ جىلىندا رەسپۋبليكا مەكتەپتەرىندە 2,5 ميلليوننان استام بالا وقيتىن بولادى, قىركۇيەكتىڭ باسىندا مەكتەپتەردە شامامەن 294064 پەداگوگ, ونىڭ ىشىندە 9645 جاس مۇعالىم ءوز جۇمىستارىنا كىرىسەدى. قازىرگى ۋاقىتتا پەداگوگ كادرلارعا دەگەن بارلىق قاجەتتىلىك 1934 ءپان مۇعالىمىن, اتاپ ايتقاندا, ماتەماتيكا, حيميا, فيزيكا, اعىلشىن ءتىلى مۇعالىمدەرىن قۇرايدى.
ب.جۇماعۇلوۆ «مەكتەپكە جول» اكتسياسى شەڭبەرىندە 15184 بالاعا 59 ميلليون تەڭگەدەن استام سومادا كومەك كورسەتىلگەنىن حابارلادى. جالپىعا ورتاق ءبىلىم قورىنىڭ قارجىسىن 3 پايىزعا دەيىن ۇلعايتۋ ماقساتىندا 8,5 ملرد. تەڭگە بيۋدجەت قارجىسى قاراستىرىلعان.
ءمينيستردىڭ ايتۋىنشا, ۇستىمىزدەگى جىلدىڭ 1 قىركۇيەگىندە 2013 جىلدىڭ اياعىنا دەيىن ىسكە قوسۋ جوسپارلانعان 159 مەكتەپتىڭ 77-ءسى وقۋشىلارعا ءوز ەسىكتەرىن اشادى. مەكتەپتەردىڭ 32 پايىزىنا قاراستىرىلعان كۇردەلى جوندەۋگە قاجەتتىلىگىنە قاراي (439 مەكتەپ) 19,3 ملرد.تەڭگە, ونىڭ ىشىندە «جۇمىسپەن قامتۋدىڭ جول كارتاسى-2020» بويىنشا 14,2 ملرد.تەڭگە بولىنەدى.
سونداي-اق, مينيستر 6183 مەكتەپتىڭ 80 پايىز بالالارىنا ىستىق اس بەرىلەتىنىن حابارلادى, 2015 جىلعا قاراي بۇل كورسەتكىشتى 100 پايىزعا جەتكىزۋ جوسپارلانىپ وتىر. وقۋشىلاردىڭ 30 پايىزى تەگىن تاماقپەن قامتىلعان, ولار نەگىزىنەن از قامتاماسىز ەتىلگەن وتباسىلارىنان شىققان بالالار.
سونداي-اق, كەڭەستە دەنساۋلىق ساقتاۋ ءمينيسترى س.قايىربەكوۆانىڭ, توتەنشە جاعدايلار ءمينيسترى ۆ.بوجكونىڭ, اقتوبە وبلىسىنىڭ اكىمى ا.مۇحامبەتوۆتىڭ, الماتى وبلىسىنىڭ اكىمى ا.مۇساحانوۆتىڭ, وڭتۇستىك قازاقستان وبلىسى اكىمىنىڭ ورىنباسارى س.قانىبەكوۆتىڭ باياندامالارى تىڭدالدى.
كەڭەستى قورىتىندىلاي وتىرىپ, ۇكىمەت باسشىسى دەنساۋلىق ساقتاۋ جانە توتەنشە جاعدايلار مينيسترلەرىنىڭ نازارىن ءتيىستى مەديتسينالىق قىزمەتپەن, ىستىق اسپەن قامتاماسىز ەتۋگە, سانيتارلىق تالاپتاردىڭ, ءورت قاۋىپسىزدىگى ەرەجەلەرىنىڭ ساقتالۋىنا قاتاڭ باقىلاۋ ورناتۋ قاجەتتىگىنە اۋداردى.
ءبىلىم بەرۋ مەكەمەلەرىنىڭ جاڭا وقۋ جىلىنا دايىندىعىنىڭ ماڭىزدىلىعىن اتاپ وتە وتىرىپ, س.احمەتوۆ كوپتەگەن اۋدان ورتالىقتارىندا, اۋىلدار مەن سەلولاردا مەكتەپتەردىڭ ءبىلىم بەرۋ, مادەنيەت ورتالىقتارى بولىپ تابىلاتىنىن, سوندىقتان بۇل ماسەلەلەردىڭ بيلىكتىڭ جەرگىلىكتى دە, سول سياقتى, ورتالىق ورگاندارىنىڭ دا باسىم مىندەتتەرى قاتارىندا بولۋى تيىستىگىن اتاپ كورسەتتى.
مەملەكەت باسشىسىنىڭ تاپسىرمالارىن ورىنداۋ ماقساتىندا س.احمەتوۆ اپاتتى مەكتەپتەر مەن ءۇش اۋىسىمدا وقىتاتىن مەكتەپتەردى جويۋ مىندەتىن العا قويدى. ءۇش جىلدىق مەرزىمگە بيۋدجەت قالىپتاستىرۋ كەزىندە اكىمدەر ءبىلىم بەرۋ سالاسىن قارجىلاندىرۋعا قاتىستى ماسەلەلەردى وتكىر قويۋى ءتيىس دەدى, وسى ورايدا س.احمەتوۆ. سونداي-اق, ۇكىمەت باسشىسى وڭىرلەر اكىمدەرىنە, ءبىلىم جانە عىلىم مينيسترلىگىنە ءتيىستى مەملەكەتتىك ورگاندارمەن بىرلەسىپ, 29 تامىزعا دەيىن وقۋ جىلىنا دايىندىقتى اياقتاۋدى تاپسىردى. وڭىرلىك دامۋ مينيسترلىگىنە سالىنىپ جاتقان مەكتەپتەردىڭ ۋاقتىلى پايدالانۋعا بەرىلۋىنە, ءورت قاۋىپسىزدىگى, سانيتارلىق نورمالاردىڭ ساقتالۋىنا باقىلاۋ جاساۋ جۇكتەلدى.
