«ەلىمىزدەگى توتەنشە جاعدايعا بايلانىستى ءبىراز مەكەمە مەن كاسىپورىندار جۇمىسىنا شەكتەۋ قويۋعا, كەيبىرەۋلەرى توقتاتۋعا ءماجبۇر بولادى. وسىعان بايلانىستى جۇمىسشىلاردىڭ جۇمىس ىستەۋ رەجيمى وزگەرەدى. وسىعان قاتىستى بۇگىن مەن جۇمىس بەرۋشىلەردى قىزمەتكەرلەر الدىندا الەۋمەتتىك جاۋاپكەرشىلىك تانىتۋعا جانە ەڭبەك زاڭدىلىعىن ساقتاۋعا شاقىرامىن. جۇمىس ىستەپ جۇرگەن ازاماتتار ءوز ەڭبەك قۇقىقتارىن ءبىلۋى قاجەت» دەدى مينيستر.
وسى رەتتە ءبىرجان نۇرىمبەتوۆ قاشىقتان جۇمىس ىستەۋ ءتارتىبىن ءتۇسىندىردى.
«بىرىنشىدەن, بارلىق كاسىپورىن, مەكەمەلەر قاشىقتان جۇمىس ىستەۋگە مۇمكىندىگى بولسا, سونداي رەجيمگە وتۋگە مىندەتتى. ەڭبەك كودەكسىنىڭ 138-بابىنا سايكەس, قاشىقتان جۇمىس جۇرگىزگەن كەزدە ەڭبەك اقى تولەۋ ءتارتىبى وزگەرمەيدى. بۇل جەردە ازامات جۇمىس ورنىنان ەمەس, ۇيىنەن كۇندەلىكتى قىزمەتىن اتقارادى. جالاقى ءوزى اي سايىن الاتىن كولەمدە تولەنەدى» دەپ اتاپ وتتى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ.
