شۇعىل ارەكەت ەتۋ شتابى جۇمىس ىستەپ تۇر. كوروناۆيرۋس ينفەكتسياسى انىقتالعان جاعدايدا قالاي ارەكەت ەتۋدىڭ الگوريتمى جاسالدى. ينفەكتسيا جۇقتىرعانى تۋرالى كۇدىك بولعان جاعدايدا, ەمدەلۋشىلەردى ارنايى ستاتسيونار قابىلدايدى.
109 شۇعىل قىزمەتىنە «كوروناۆيرۋسقا قاتىستى سۇراقتار بويىنشا كەڭەستەر» اتتى قوسىمشا مودۋل ەنگىزدىك. مەديتسينا قىزمەتكەرلەرى جۇمىسىنا تىڭعىلىقتى دايىندالعان, قاجەتتى ءدارى-دارمەك جەتكىلىكتى. مەديتسينالىق بەتپەردەلەردىڭ العاشقى لەگى جەتتى. تاعى دا قوسىمشا اكەلىنەدى.
سانيتارلىق-ديزينفەكتسيالىق رەجيمدى كۇشەيتىپ, ۆوكزالدارعا, اۋەجايعا, ساۋدا, ويىن-ساۋىق ورتالىقتارىنا, قوناق ۇيلەرگە دەزينفەكتسيا قۇرىلعىلارىن ورناتىپ جاتىرمىز. مەنشىك يەسىنە قاراماستان بۇل جۇمىستارعا بارلىق كاسىپكەردى اتسالىسۋعا شاقىرامىن. اۆتوبۋستاردى دەزينفەكتسيالاۋ جۇمىستارى سوڭعى ايالدامالارعا ورناتىلعان اۆتو جۋ بەكەتتەرىندە جۇرگىزىلىپ جاتىر. ءبىلىم بەرۋ مەكەمەلەرى مەن ادامدار كوپ جينالاتىن ورىندار بويىنشا دا شارالار قولعا الىندى. مەكتەپ وقۋشىلارى 16 ناۋرىزدان باستاپ دەمالىسقا شىعىپ, كوللەدج جانە جوو ستۋدەنتتەرى قاشىقتىقتان وقۋ جۇيەسىنە كوشەدى. قوسىمشا ۇيىرمەلەر مەن كينوتەاترلار جۇمىس ىستەمەيدى. ناۋرىز مەيرامىنا ارنالعان ءىس-شارالار وتكىزىلمەيدى.
قالا تۇرعىندارى دەنساۋلىق ساقتاۋ مينيسترلىگى ۇسىنعان پروفيلاكتيكالىق شارالاردى قولدانۋى قاجەت. قولدى سابىنداپ ءجيى جۋ, انتيسەپتيكتەر پايدالانۋ, قول الىسۋدان باس تارتۋ, جەكە باس گيگيەنالىق زاتتاردى عانا پايدالانۋ, گادجەتتەر مەن تەحنيكالىق قۇرىلعىلاردى دەزينفەكتسيالاۋ, تۇماۋدىڭ بەلگىلەرى بار ادامدارمەن تىعىز قاتىناستان باس تارتۋ, تاعى باسقالاردى تارتىپكە اينالدىرۋ كەرەك.
تۇراقتاندىرۋ قورىنان قوسىمشا قاراجات قاراستىرىلىپ, الەۋمەتتىك ماڭىزى بار تاۋارلاردىڭ باعاسىن تۇراقتى ۇستاپ تۇرۋ بويىنشا جۇمىستار جۇرگىزىلۋدە. جوباعا «Magnum», «استىقجان», «كەڭمارت», «Small» جانە «شاپاعات», «ەۆرازيا», «ارتەم», «بيگ شانحاي» بازارلارى قاتىسۋدا. تۇراقتاندىرۋ قورىنان بولىنگەن قاراجات ارقىلى قالا ناۋبايحانالارىنا قولداۋ كورسەتىلىپ جاتىر. الەۋمەتتىك نان باعاسىن تۇراقتى ۇستاپ تۇرۋ ءۇشىن قوسىمشا ۇن قورى دا جاساقتالدى. ازىق-ت ۇلىك جەتكىلىكتى. سوندىقتان, بايبالام سالۋعا نەگىز جوق.
كوروناۆيرۋس ينفەكتسياسىنىڭ كەڭىنەن تارالۋىنا جول بەرمەۋ بويىنشا جۇمىستار مەملەكەت باسشىلىعىنىڭ باقىلاۋىندا. ءبىز قولدان كەلگەننىڭ ءبارىن جاسايمىز. ەڭ باستىسى ازاماتتاردىڭ وزدەرىنە بايلانىستى.
قاۋىپسىزدىك شارالارىن قاتاڭ ساقتاعاندا عانا وزدەرىڭىزدى جانە جاقىندارىڭىزدى قورعاپ قالاسىزدار. بۇل قيىنشىلىقتى دا بىرگە جەڭەتىنىمىزگە سەنەمىن.
