- كوروناۆيرۋستىڭ جاھاندىق ەكونوميكاعا تەرىس ىقپالىنىڭ كۋاسى بولدىق. ءىس جۇزىندە اڭگىمە بۇكىل الەمدىك ەكونوميكالىق جۇيەنى قايتا قۇرۋ تۋرالى بولىپ وتىر. قازاقستان بۇل وراسان داعدارىستىڭ سالدارىن سەزىنۋدە. بىراق ەكونوميكالىق كاتاكليزمگە قاراماستان, ءبىز الەۋمەتتىك شيەلەنىستىڭ وسۋىنە, جۇمىسسىزدىققا جول بەرمەۋ ءۇشىن بارلىق قاجەتتى شارالاردى قولدانامىز.
ەلباسى نۇرسۇلتان ءابىش ۇلى نازارباەۆتىڭ كورەگەن ساياساتىنىڭ ارقاسىندا ەلىمىزدىڭ حالىقارالىق رەزەرۆتەرى 90 ميلليارد دوللارعا جەتتى. بۇل ءبىزدىڭ ەكونوميكامىزدىڭ تۇراقتىلىعىن ساقتاۋدىڭ جانە مەملەكەتتىڭ الەۋمەتتىك مىندەتتەمەلەرىن ورىنداۋدىڭ ماڭىزدى كەپىلى, - دەدى مەملەكەت باسشىسى.
