بوتتى ىسكە قوسۋدىڭ ماقساتى – ەل ازاماتتارىنىڭ كوروناۆيرۋس جونىندەگى سۇراققا جاۋاپ الۋ ءراسىمىن جەڭىلدەتۋ. اقپارات الۋ ءۇشىن چاتتاعى «ستارت» باتىرماسىن باسۋ كەرەك. اقپارات سۇراۋ ءۇشىن پايدالانۋشى چاتتىڭ ءتيىستى تۇيمەلەرىن باسۋ ارقىلى پارمەندەردى جىبەرۋ قاجەت. بۇدان ءارى پايدالانۋشى جاۋاپتاردى كورە الادى. ونىڭ قىزمەتتەرىن پايدالانۋ ءۇشىن Telegramعا تىركەلگەن پايدالانۋشى بولۋ كەرەك.
«كوروناۆيرۋس-شۇعىل جەلى» Telegram-بوتتى كوروناۆيرۋستىق ينفەكتسيا تۋرالى نەگىزگى اقپاراتتى (كوروناۆيرۋس دەگەنىمىز نە, بەرىلۋ جولدارى, سيمپتومدارى, ينكۋباتسيالىق كەزەڭى, جۇقتىرىپ الۋدان قالاي قورعانۋ كەرەك, كارانتينگە كىم الىنادى جانە ت.ب.) قامتيدى. بوت ەكى تىلدە: ورىس جانە قازاق تىلدەرىندە قولجەتىمدى.
سونىمەن قاتار كوروناۆيرۋس ماسەلەلەرى بويىنشا قدسۇو بازاسىندا تاۋلىك بويى call – ورتالىق (1406) جۇمىس ىستەيدى, تەل. 8 7172 768 043.
وسى بوتتى قۇرۋعا ءوزىنىڭ الەۋمەتتىك جاۋاپكەرشىلىگىن بىلدىرگەن جانە كوروناۆيرۋس بويىنشا جاعدايعا نەمقۇرايدى قارامايتىن ەنتۋزياست-ازىرلەۋشىلەر توبى كومەك كورسەتتى.
