فوتو: ۇكىمەت
ولجاس بەكتەنوۆ ءۇندىستان پرەمەر-مينيسترىنە قازاقستان پرەزيدەنتىنىڭ اتىنان جىلى لەبىزدەرىن جەتكىزدى. ءوز كەزەگىندە نارەندرا مودي قاسىم-جومارت توقاەۆقا ىزگى تىلەكتەرىن جولدادى جانە ستراتەگيالىق ارىپتەستىكتى جاڭا دەڭگەيگە شىعارۋ بويىنشا بىرلەسكەن جۇمىستى جالعاستىرۋ نيەتىن ءبىلدىردى.
2025 جىلدىڭ قورىتىندىسى بويىنشا ەكى ەل اراسىنداعى تاۋار اينالىمى 923,3 ملن دوللاردى قۇرادى. كەزدەسۋدە ساۋدا جانە ينۆەستيتسيالار, ەنەرگەتيكا, اوك, تسيفرلاندىرۋ جانە جي سالاسىنداعى ىنتىماقتاستىقتى ودان ءارى دامىتۋ ماسەلەلەرى تالقىلاندى. قازاقستان ءۇندىستان نارىعىنا 40 تاۋارلىق پوزيتسيا بويىنشا 150 ميلليون دوللارعا ءونىم جەتكىزۋ كولەمىن ۇلعايتۋعا دايىن. ماڭىزدى مينەرالدار مەن سيرەك جەر ەلەمەنتتەرى, عارىش, قورعانىس ونەركاسىبى سالالارىنداعى ءوزارا ءىس-قيمىلدى كەڭەيتۋدىڭ ەلەۋلى الەۋەتى اتاپ ءوتىلدى.
پرەمەر-مينيستر الەمنىڭ 50-دەن استام ەلىنەن, سونىڭ ىشىندە مەملەكەت جانە ۇكىمەت باسشىلارى, سونداي-اق IT سالاسىنداعى ساراپشىلار مەن عىلىمي قاۋىمداستىق وكىلدەرى جينالعان India AI Impact Summit 2026 سامميتىنە قاتىستى.
ولجاس بەكتەنوۆ پلەنارلىق سەسسيادا سويلەگەن سوزىندە وزىق تەحنولوگيالاردىڭ ەكونوميكالىق الەۋەتىنە جانە ولاردىڭ جاھاندىق ءوسۋ قۇرىلىمىنداعى اسەرىنە نازار اۋداردى.
ولجاس بەكتەنوۆ: ۇكىمەت «شىنايى مۇقتاج ادامدارعا عانا كومەك» قاعيداتىن قاتاڭ ۇستانادى
ء«بىز ينتەللەكتىنىڭ ينكليۋزيۆتى, دەربەس جانە ەڭ باستىسى ەكونوميكانىڭ نەگىزگى سەكتورلارىن ترانسفورماتسيالايتىن كۇشكە يە بولۋى كەرەك ەكەنىنە سەنىمدىمىز. بۇگىندە قازاقستان وڭىرلىك تسيفرلىق ورتالىققا اينالىپ جاتىر. سونداي-اق بۇۇ-نىڭ ەلەكتروندىق ۇكىمەتتى دامىتۋ يندەكسىندە 193 ەلدىڭ ىشىندە 24-ءشى ورىندا تۇرمىز. ەلىمىز, سونىمەن قاتار ونلاين-قىزمەتتەردىڭ ساپاسى بويىنشا الەمدەگى ەڭ ۇزدىك وندىققا كىرەدى. پرەزيدەنت قاسىم-جومارت توقاەۆ ءۇش جىل ىشىندە قازاقستاندى تولىق تسيفرلىق ەلگە اينالدىرۋ ماقساتىن قويدى. جاساندى ينتەللەكت ءبىزدىڭ ۇلتتىق دامۋىمىزدىڭ ستراتەگيالىق تىرەگى بولىپ سانالادى», دەدى ولجاس بەكتەنوۆ.
سونداي-اق قازاقستان پرەمەر-ءمينيسترى الەمدىك تەحنولوگيالىق كومپانيالاردى وزىق تەحنولوگيالاردى دامىتۋ سالاسىنداعى ىنتىماقتاستىققا شاقىردى.
ولجاس بەكتەنوۆ: ازاماتتاردىڭ تابىسىن ارتتىرۋعا باسا نازار اۋدارىلادى
«مەملەكەت باسشىسى جاريالاعان تسيفرلاندىرۋ جانە جي جىلى اياسىندا قازاقستاندا تسيفرلىق ەكونوميكانى دامىتۋ بويىنشا جۇمىستار جۇرگىزىلىپ جاتىر. يننوۆاتسيانى رەتتەۋ مەن ىنتالاندىرۋ اراسىنداعى تەپە-تەڭدىكتى قامتاماسىز ەتەتىن «جاساندى ينتەللەكت تۋرالى» زاڭ قابىلداندى. پرەزيدەنت جانىنان قۇرىلعان جي-ءدى دامىتۋ جونىندەگى كەڭەس ءبىر پلاتفورمادا جەتەكشى الەمدىك ۆيزيونەرلەردى بىرىكتىردى. ورتالىق ازيادا العاش رەت ەكى ءىرى سۋپەركومپيۋتەر كلاستەرى ورنالاستىرىلدى, NVIDIA-مەن سەرىكتەستىكتە دەربەس جي حابىن قۇرۋ جوباسى جۇزەگە اسىرىلىپ جاتىر. بيىل ازەربايجاندىق سەرىكتەستەرمەن بىرلەسىپ, ترانسكاسپي تالشىقتى-وپتيكالىق جەلىسىنىڭ قۇرىلىسىن اياقتاۋ جاھاندىق دەرەكتەر ترافيگى ءۇشىن ەڭ قىسقا بالاما مارشرۋتتى قامتاماسىز ەتەدى, بۇل قازاقستانعا شىعىس پەن باتىس اراسىنداعى تسيفرلىق كوپىر بولۋعا جول اشادى. ەكىباستۇز قالاسىندا جۇزەگە اسىرىلىپ جاتقان فلاگماندىق ء«دوو-لار القابى» جوباسى دا ءىرى دەرەكتەر ورتالىقتارى ءۇشىن ەكوجۇيە قالىپتاستىرۋعا مۇمكىندىك بەرەدى. مەملەكەت ينفراقۇرىلىم, جوبالاردى سۇيەمەلدەۋ جانە تاعى دا باسقا قاجەتتى قولداۋدىڭ بارلىق ءتۇرىن ۇسىنادى», دەدى ولجاس بەكتەنوۆ.
فورۋم قورىتىندىسى بويىنشا دەلەگاتسيا باسشىلارى India AI Impact Expo 2026 حالىقارالىق كورمەسىنە باردى, وندا جاساندى ينتەللەكت سالاسىنداعى پراكتيكالىق شەشىمدەر, تەحنولوگيالار جانە قولدانبالى ازىرلەمەلەر ۇسىنىلدى. ەكسپوزيتسيا ونەركاسىپ, قارجى, دەنساۋلىق ساقتاۋ, قاۋىپسىزدىك جانە تاعى دا باسقا سالالاردىڭ كەڭ اۋقىمىن قامتىدى.
