فوتو: yandex.kz
ءىس ماتەريالدارىنا سايكەس, 2026 جىلعى 11 اقپاندا «ۋرالسكايا نەدەليا» باسىلىمىنىڭ Telegram-ارناسىندا 15 ناۋرىزعا جوسپارلانعان قازاقستان رەسپۋبليكاسىنىڭ جاڭا كونستيتۋتسياسى جوباسى بويىنشا رەفەرەندۋمعا قاتىستى قوعامدىق پىكىر ساۋالناماسى جاريالانعان. اتالعان باسىلىمنىڭ قۇرىلتايشىسى – «جۋرناليستسكايا ينيتسياتيۆا» جاۋاپكەرشىلىگى شەكتەۋلى سەرىكتەستىگى.
قولدانىستاعى «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابى 9-تارماعىنا سايكەس, سايلاۋعا نەمەسە رەفەرەندۋمعا بايلانىستى قوعامدىق پىكىرگە ساۋالناما جۇرگىزۋگە كەمىندە بەس جىل جۇمىس ءوتىلى بار زاڭدى تۇلعالار عانا قۇقىلى. بۇل ءۇشىن ولار ورتالىق سايلاۋ كوميسسياسىن الدىن الا جازباشا تۇردە حاباردار ەتىپ, ءتيىستى قۇجاتتاردىڭ كوشىرمەلەرىن ۇسىنۋعا مىندەتتى.
رەفەرەندۋمعا 24 كۇن قالدى: استانادا كەرى ساناق تابلولارى ورناتىلدى
زاڭ تالاپتارىن بۇزۋ اكىمشىلىك جاۋاپكەرشىلىككە اكەپ سوعادى. مۇنداي نورمالار رەفەرەندۋمدى ازىرلەۋ مەن وتكىزۋ بارىسىندا اشىقتىقتى, سەنىمدىلىكتى جانە بارلىق تاراپقا تەڭ جاعدايدى قامتاماسىز ەتۋگە, سونداي-اق ازاماتتاردىڭ سايلاۋ قۇقىقتارىن قورعاۋعا باعىتتالعان.
گيدروتەحنيكتەر جاڭا كونستيتۋتسيا بويىنشا رەفەرەندۋم وتكىزۋدى قولدادى
سوت جاريالانعان ساۋالناما زاڭ تالاپتارىنا سايكەس كەلمەيدى دەپ تانىدى. سەرىكتەستىكتىڭ كىناسى اكىمشىلىك ءىس قوزعاۋ تۋرالى قاۋلىمەن جانە جاريالانعان ماتەريالدىڭ سكرينشوتتارىمەن راستالعان.
اكىمشىلىك قۇقىق بۇزۋشىلىق تۋرالى كودەكستىڭ 120-بابىنىڭ 3-بولىگىنە سايكەس, زاڭدى تۇلعالارعا 30 ايلىق ەسەپتىك كورسەتكىش مولشەرىندە ايىپپۇل قاراستىرىلعان. سوت قاۋلىسىمەن «جۋرناليستسكايا ينيتسياتيۆا» جشس كىنالى دەپ تانىلىپ, 129 750 تەڭگە كولەمىندە ايىپپۇل سالىندى.
شەشىم ازىرگە زاڭدى كۇشىنە ەنگەن جوق.
ماڭعىستاۋدا «قازاقستان تەمىر جولى» ۇجىمى رەفەرەندۋمعا قاتىسۋدى قولدادى
