كەزدەسۋگە پارلامەنت ءماجىلىسىنىڭ دەپۋتاتتارى ماقسات تولىقباي, جاناربەك ءاشىمجان جانە سەرگەي پونومارەۆ, قوعامدىق ينستيتۋتتار مەن الەۋمەتتىك قولداۋ جۇيەسىنىڭ, ءبىلىم بەرۋ سالاسىنىڭ وكىلدەرى, جاستار ۇيىمدارى مەن وڭىرلىك اكتيۆ مۇشەلەرى قاتىستى.
قوناەۆ قالاسىندا جاڭا كونستيتۋتسيا جوباسى مەن نەگىزگى ينستيتۋتسيونالدىق وزگەرىستەر تالقىلاندى
زاۋىت قىزمەتكەرلەرى الدىندا ءسوز سويلەگەن ايدا بالاەۆا كواليتسيانىڭ بارلىق وڭىرلەردە جۇيەلى ءتۇسىندىرۋ جۇمىستارىن جۇرگىزىپ جاتقانىن اتاپ ءوتتى. ونىڭ ايتۋىنشا, كواليتسيا مۇشەلەرى كاسىپورىندار مەن ەڭبەك ۇجىمدارىنا ارنايى بارىپ, جاڭا كونستيتۋتسيا جوباسىن ازاماتتارمەن تىكەلەي تالقىلاۋدى ماقسات ەتىپ وتىر. ۇسىنىلىپ وتىرعان اتا زاڭنىڭ جاڭا رەداكتسياسى قوعامنىڭ ادىلەتتىلىك پەن ايقىن ەرەجەلەرگە دەگەن سۇرانىسىن تولىق ەسكەرەدى. ال قۇجاتتىڭ تۇپكى لوگيكاسى ازاماتتاردىڭ مۇددەسىن قورعاۋعا باعىتتالعان.
ء«بىز سىزدەرگە جاڭا كونستيتۋتسيا جوباسىنىڭ ءمانى مەن الداعى رەفەرەندۋمنىڭ ماڭىزىن ءتۇسىندىرۋ ءۇشىن كەلدىك. جاڭا كونستيتۋتسيانى حالىقتىق دەپ اتاۋعا تولىق نەگىز بار. ويتكەنى تۇزەتۋلەر قوعامنىڭ ءتۇرلى وكىلدەرىنىڭ – زاڭگەرلەردىڭ, ساراپشىلاردىڭ, سەنات پەن ءماجىلىس دەپۋتاتتارىنىڭ قاتىسۋىمەن ازىرلەندى. ەڭ باستىسى, ازاماتتارىمىزدان ونلاين فورماتتا جانە تىكەلەي جولدانعان ۇسىنىستار نەگىزىندە قالىپتاستى. سونداي-اق جوبادا ەڭبەك قۇقىقتارىن قورعاۋ, وندىرىستەگى قاۋىپسىز ەڭبەك جاعدايلارىن قامتاماسىز ەتۋ جونىندەگى نورمالاردىڭ بەكىتىلگەنىن ەرەكشە اتاپ وتكىم كەلەدى. سەبەبى قولدانىستاعى دا, جاڭا كونستيتۋتسياداعى دا ەڭ باستى قۇندىلىق – ادام ءومىرى. ءبىز قاۋىپسىز ءومىر, قاۋىپسىز قوعام جانە قاۋىپسىز ءوندىرىس تۋرالى ايتۋىمىز كەرەك», دەدى پرەمەر-ءمينيستردىڭ ورىنباسارى.
ءماجىلىس دەپۋتاتى جاناربەك ءاشىمجانوۆ جاڭا كونستيتۋتسيا جوباسىن ازىرلەۋ جۇمىسىنىڭ اۋقىمى مەن ونىڭ قوعامدىق سيپاتىنا ەرەكشە توقتالدى.
«بۇل قۇجات وزدىگىنەن پايدا بولعان جوق. ونىڭ ازىرلەنۋىنە ۇزدىك عالىمدار, زاڭگەرلەر, ەكونوميستەر مەن ساراپشىلار, تاۋلىك بويى نورمالاردى تالداپ, سالىستىرعان جاڭا بۋىن كاسىبي ماماندار قاتىستى. جوبا قوعامدىق تالقىلاۋعا شىعارىلىپ, جاريالاندى, مەدياكەڭىستىكتە جانە الەۋمەتتىك جەلىلەردە كەڭىنەن ساراپقا سالىندى. سوندىقتان, مەنىڭشە, بۇل – ازاماتتاردىڭ سەنىمىن نىعايتىپ, وتباسى مەن بالالىق شاقتان باستاپ ادىلدىك پەن جۇيەنىڭ اشىقتىعىنا دەيىنگى نەگىزگى قۇقىقتاردى ءتيىمدى قورعاۋعا قابىلەتتى قۇجات», دەدى جاناربەك ءاشىمجانوۆ.
كەزدەسۋ بارىسىندا ەڭبەك ۇجىمىنىڭ ۇستانىمىن كاسىپورىن تەحنولوگى گالينا سۋحارەبرەۆا پىكىر ءبىلدىرىپ, كونستيتۋتسيالىق نورمالاردىڭ كادر دايارلاۋ جۇيەسىمەن جانە جۇمىسشى ماماندىقتاردى قولداۋ شارالارىمەن ءوزارا تىعىز بايلانىسىنا نازار اۋداردى.
ء«بىز ءۇشىن ادامي الەۋەت – جاي ۇران ەمەس. قانداي ءوندىرىس بولماسىن, ءبىلىم مەن يننوۆاتسياسىز ونىڭ دامۋى مۇمكىن ەمەس. ءبىز وزگەرىستەردى قولدايمىز جانە ادامي الەۋەتكە ارنالعان بولىمدە جۇمىسشى ماماندىق يەلەرى مەن ورتا تەحنيكالىق ءبىلىم بەرۋ ماسەلەسىنىڭ دە كورىنىس تابۋى ماڭىزدى دەپ سانايمىز. مەملەكەت ەلگە بىلىكتى ماماندار دايارلاپ, جاستاردى قولداۋ كورسەتەدى. ولار كاسىپ مەڭگەرىپ, ءوز ءىسىنىڭ ناعىز كاسىبي شەبەرىنە اينالىپ وتىر», دەدى گالينا سۋحارەبرەۆا.
كەيىن جالپىۇلتتىق كواليتسيا وكىلدەرى وتاندىق زاۋىتتىڭ جۇمىسىمەن جانە وندىرىستە زاماناۋي تەحنولوگيالاردىڭ ەنگىزىلۋ بارىسىمەن تانىستى. كەزدەسۋ سوڭىندا ايدا بالاەۆا ەڭبەك ۇجىمىمەن جەكە اڭگىمەلەسىپ, قويىلعان سۇراقتارعا جاۋاپ بەردى. سونداي-اق, ازاماتتاردىڭ اتا زاڭنىڭ بولاشاعىنا قاتىستى شەشىم قابىلداۋعا تىكەلەي قاتىسۋىنىڭ نەگىزگى تەتىگى رەفەرەندۋم ەكەنىن ايتتى.
ابزال قۇسپان: كونستيتۋتسيالىق سوت ازامات پەن مەملەكەت اراسىنداعى تورەشى بولادى
