فوتو: gov.kz
پوليتسيا مالىمەتىنشە, ەكى ەر ادام اۆتوبۋس ايالداماسىندا 13 جاستاعى مەكتەپ وقۋشىسىن ۇرلاماق بولعان. بەينەجازبادا قىزدى كۇشتەپ كولىككە وتىرعىزۋعا تىرىسقانى انىق كورىنەدى.
الايدا ولاردىڭ ارەكەتىنە كەزدەيسوق ءوتىپ بارا جاتقان ازامات كەدەرگى كەلتىرگەن. كەيىن بەلگىلى بولعانداي, ءجاسوسپىرىمدى قۇتقارىپ قالعان – تاراز قالاسىنىڭ تۇرعىنى نۋركەن ۋماروۆ. ءبىراز ۋاقىتتان سوڭ قىزدىڭ اكەسى ونى ارنايى ىزدەپ تاۋىپ, كورسەتكەن كومەگى ءۇشىن جەكە العىس ايتقان.
پوليتسيا قىزمەتكەرلەرى كۇدىكتىلەردى ءىزىن سۋىتپاي ۇستاپ, ۋاقىتشا ۇستاۋ يزولياتورىنا قاماعان.
الدىن الا اقپارات بويىنشا, كۇدىكتىلەر (اعايىندى ەكەنى انىقتالعان) قر قىلمىستىق كودەكسىنىڭ 24-بابى 3-بولىگى جانە 125-بابى 3-بولىگىنىڭ 2-تارماعى بويىنشا ايىپتى دەپ تانىلىپ وتىر.
قازىرگى ۋاقىتتا تەرگەۋ امالدارى جالعاسىپ جاتىر.
تارازداعى فوسفور زاۋىتىندا 3 ادامدى كۇيىك شالىپ, بىرەۋى كوز جۇمدى
