ونىڭ ايتۋىنشا, قۇجاتتىڭ قابىلدانعان كۇنى مەن ونىڭ كۇشىنە ەنۋ مەرزىمى ەكى بولەك ۇعىم. قازىرگى ۇسىنىستا اڭگىمە كونستيتۋتسيانىڭ قابىلدانعان كۇنى تۋرالى بولىپ وتىر.
«ادامدار قالاي دۇرىس دەپ ساناسا, سولاي داۋىس بەرۋگە قۇقىلى. بۇعان ەشكىم شەكتەۋ قويمايدى. سول ءۇشىن دە رەفەرەندۋم جاريالانىپ وتىر, ياعني ازاماتتاردىڭ پىكىرىن ءبىلۋ ءۇشىن. حالىق قالاي شەشسە, سوعان ساي شەشىم قابىلدانادى. ەگەر قولداسا, جاڭا كونستيتۋتسيا قابىلدانادى جانە كونستيتۋتسيا كۇنى 15 ناۋرىزدا اتالىپ وتەدى», دەدى ماۋلەن اشىمباەۆ سەنات كۋلۋارىندا.
ۇسىنىلىپ وتىرعان تۇزەتۋلەر نەگىزگى زاڭنىڭ 77-بابىنا قاتىستى. بۇل كونستيتۋتسيا ءماتىنىنىڭ 84 پايىزىن قامتيدى. الايدا 29 قاڭتاردا ارنايى كوميسسيا مۇشەلەرى تالقىلاۋ بارىسىندا وزگەرىستەردىڭ اۋقىمى جاڭا كونستيتۋتسيا قابىلداۋدى قاجەت ەتەتىنىن اتاپ وتكەن.
باقىت نۇرمۇحانوۆ, زاڭگەر: كوستيتۋتسيا مەملەكەتتىڭ قايدا بەت العانىن ايقىندايدى
مەملەكەت باسشىسىنىڭ پىكىرىنشە, ۇسىنىلىپ وتىرعان جاڭالىقتار ەلدىڭ بۇكىل مەملەكەتتىك جۇيەسىن تۇبەگەيلى وزگەرتەدى. سونىمەن بىرگە كونستيتۋتسياداعى ەل اۋماعىنىڭ تۇتاستىعى مەن قول سۇعىلماستىعىنا قاتىستى نورما وزگەرىسسىز قالماق.
رەفەرەندۋمعا قاتىستى زاڭسىز ساۋالناما جۇرگىزگەن اقپاراتتىق اگەنتتىككە ايىپپۇل سالىندى
