ايماق باسشىسى الدىمەن Small ساۋدا ورتالىعىندا بولدى. مۇنداعى ۇن, نان, قانت, شاي مەن باسقا دا ازىق- ت ۇلىك ونىمدەرىنىڭ باعاسىن كوردى.
- مۇناي باعاسى مەن ۆاليۋتا باعامىنىڭ تۇراقسىزدىعىنا جانە كوروناۆيرۋس ىندەتىنىڭ تارالۋىنا بايلانىستى ازىق-ت ۇلىك تاۋارلارىنىڭ باعاسىن تۇراقتاندىرۋ جانە قاجەتتى قور جيناۋ ماقساتىندا ءتيىستى جۇمىس جاسالادى. حالىق ازىق-ت ۇلىكتەن تارشىلىق كورمەۋى كەرەك. كاسىپكەرلەر بۇل ىسكە اتسالىسادى دەپ ويلايمىن, - دەدى وبلىس اكىمى.
قازىر تۇراقتاندىرۋ قورىندا 1219,9 توننا ءونىم بار. اۋىل شارۋاشىلىعى سالاسىنىڭ ماماندارى قوسىمشا 3,5 مىڭ توننا ازىق-ت ۇلىك ونىمدەرىن ساتىپ الۋ شارالارى جۇرگىزىلىپ جاتقانىن ايتتى.
ايماق باسشىسى 2000 توننادان اسا كوكونىس ساقتايتىن «بايقوڭىر» اكك» قويماسىنىڭ جۇمىسىمەن تانىستى. وندا ونىمدەردى تالاپقا ساي ساقتاۋ ءۇشىن بارلىق جاعداي جاسالعان جانە ارنايى قۇرال جابدىقتارمەن تولىق قامتاماسىز ەتىلگەن.
ەپيدەميولوگيالىق جاعدايعا بايلانىستى ەلىمىزدە مەديتسينالىق ماسكانىڭ جەتىسپەۋشىلىگى بايقالىپ تۇرعانى دا جاسىرىن ەمەس. وسىعان بايلانىستى قىزىلورداداعى «Dalatex» كومپانياسى ماسكا تىگۋدى قولعا الىپ وتىر. ءوڭىر باسشىسى وسى سەرىكتەستىكتىڭ تىگىن فابريكاسىندا دا بولدى. قازىر مۇندا تاۋلىگىنە 10 مىڭ دانا ماسكا شىعارىلۋدا. ءونىم قىزىلوردادان بولەك, قاراعاندى, نۇر-سۇلتان جانە الماتىعا جونەلتىلەدى. وتاندىق ءونىمنىڭ تاعى ءبىر ەرەكشەلىگى بىرنەشە رەت جۋىپ, ۇتىكتەپ قولدانۋعا بولادى.
وبلىس ورتالىعىنداعى Magnum ساۋدا ورتالىعىندا ارالاعان ءوڭىر باسشىسى باعا تۇراقتىلىعى مەن ازىق-ت ۇلىك قورى ءاردايىم باقىلاۋدا بولاتىنىن ايتتى.
