ايماقتار • 14 ناۋرىز، 2020

قىزىلوردا: ايماقتىق باق-تا ۋنيۆەرسيتەت فيليالى اشىلادى

35 رەتكورسەتىلدى

قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە وبلىستىق «سىر مەديا» جاۋاپكەرشىلىگى شەكتەۋلى سەرىكتەستىگى مەن  «Qyzylorda» تەلەارناسىندا وقۋ ورنىنداعى قازاق ءتىلى مەن ادەبيەتى جانە جۋرناليستيكا كافەدراسىنىڭ فيليالدارىن اشۋ جونىندەگى كەزدەسۋ ءوتتى.   

رەسپۋبليكالىق جانە جەرگىلىكتى باق وكىلدەرى قاتىسقان شارادا ۋنيۆەرسيتەت رەكتورى بەيبىتكۇل كارىموۆا ايماقتاعى ءبىلىم مەن عىلىمنىڭ قاراشاڭىراعى سانالاتىن ىرگەلى وقۋ ورنىنداعى باستامالار جايلى  باياندادى.

بىلىكتى مامان دايارلاۋ قاي وقۋ ورنىنىڭ دا الدىندا تۇرعان باستى مىندەت. وسى ماقساتتا الداعى ءساۋىر ايىندا مەكتەپ بىتىرۋشىلەر اراسىندا وبلىستىق پاندىك وليمپيادالار وتكىزىلەدى. سونىڭ قورىتىندىسىنا سايكەس سۇرانىسقا يە ماماندار دايارلاۋ ءۇشىن ۋنيۆەرسيتەت تاراپىنان 2020-2021 وقۋ جىلىندا قابىلداناتىن تۇلەكتەرگە رەكتور گرانتى جانە ءوندىرىس ورىندارى جەتەكشىلەرى، كاسىپكەرلەر گرانتتارى بولىنەدى.

قازىرگى كۇنى بالاعا كاسىبي باعدار بەرۋ جۇمىستارىن ەرتەرەك قولعا الۋدى ەسكەرگەنىمىز دۇرىس. ۋنيۆەرسيتەتتە بۇل باعىتتا ارنايى جول كارتاسى قابىلدانىپ وتىر. 

– ء بىز كوبىنە مەكتەپ تۇلەكتەرىنىڭ بولاشاق ماماندىعىنا 10-11-سىنىپتاردا عانا ءمان بەرەمىز. ماماندىق ءاربىر جاستىڭ ومىرلىك تاڭداۋى بولعاندىقتان، شاكىرتتەر ونى ەرتە تاڭداپ، سوعان بەيىمدەلۋى كەرەك. بۇل – كاسىبي مامان دايىنداۋدىڭ باستى شارتى. مىنە، وسى جۇمىستاردى جۇيەلى جۇرگىزىپ، وقۋشىلارعا كومەك كورسەتۋ، پسيحولوگيالىق قولداۋ ءبىلدىرۋ ماقساتىندا ناۋرىز ايىنان باستاپ ۋنيۆەرسيتەتتە «رەكرۋتينگ» ورتالىعى اشىلدى، – دەدى رەكتور.

كەزدەسۋدە ءبىلىمدى مامان دايارلاۋداعى باستاما جايلى قوعام قايراتكەرى ابدىجالەل باكىر، «Qyzylorda» تەلەارناسىنىڭ ديرەكتورى جاعىپپار قارابالا، وبلىستىق «كىزىلوردينسكيە ۆەستي» گازەتىنىڭ باس رەداكتورى قازىبەك بوتاەۆ پىكىر ءبىلدىرىپ، بىرقاتار ۇسىنىستار ايتتى.

ۋنيۆەرسيتەت باسشىلىعى مەن «سىر مەديا» جشس، «Qyzylorda» تەلەارناسى جەتەكشىلەرى اراسىندا كەلىسىمگە قول قويىلعاننان كەيىن بىرقاتار ارىپتەستەرىمىزگە قورقىت اتا اتىنداعى «التىن مەدال»، «ۇزدىك تۇلەك» توسبەلگىلەرى تاعىلىپ، «قۇرمەت گراموتاسى» تابىس ەتىلدى.

 

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار