ايماقتار • 13 ناۋرىز، 2020

قىزىلوردا: جەرگىلىكتى كومپانيا مەديتسينالىق ماسكا شىعارۋدا

171 رەتكورسەتىلدى

قازىرگى ەپيدەميولوگيالىق جاعدايعا بايلانىستى ەلىمىزدە مەديتسينالىق ماسكانىڭ جەتىسپەۋشىلىگى بايقالىپ تۇر. وسىدان دا قىزىلورداداعى «دالاتەكس» جشس ماسكا شىعارۋدى قولعا الدى. بۇل تۋرالى كومپانيا باسشىسى دىلمۇحامەد ابىزوۆ حابارلادى.

قازىر كومپانيا تاۋلىگىنە 10 مىڭ دانا ماسكا شىعارۋدا. ونىڭ باسىم بولىگى نۇر-سۇلتان، الماتى، قاراعاندى قالالارىنا جىبەرىلىپ جاتىر.

جالپى، كوروناۆيرۋس سالدارىنان تاۋار جەتكىزىلىمدەرى تىزبەگىنىڭ ءۇزىلۋى جانە ەلىمىزدىڭ نەگىزگى ەكسپورتتىق پوزيتسيالارىنا الەمدىك باعالاردىڭ ايتارلىقتاي تومەندەۋىنە بايلانىستى «اتامەكەن» ۇلتتىق كاسىپكەرلەر پالاتاسى وتاندىق بيزنەسكە تۇسەتىن تەرىس اسەردى تومەندەتۋ ماقساتىندا جەدەل شتاب قۇرىپ وتىر.

جەدەل شتاب بيزنەسكە كەلتىرىلۋى مۇمكىن تاۋەكەلدەردى، يمپورتتىق شيكىزات، جابدىق جانە قوسالقى بولشەكتەردى ساتىپ الۋداعى پروبلەمالاردى دەر كەزىندە انىقتايدى. كۇندەلىكتى مالىمەتتەر نەگىزىندە ۇكىمەتكە ۇسىنىمدار ازىرلەيدى.

سوڭعى جاڭالىقتار

ۇقساس جاڭالىقتار