قازاقستان • 12 ناۋرىز، 2020

ەپيدەميولوگيالىق جاعدايدا بولجام جاساۋ – دسم-ءنىڭ مىندەتى

56 رەتكورسەتىلدى

دەنساۋلىق ساقتاۋ ءمينيسترى ەلجان بىرتانوۆ ەپيدەميولوگيالىق جاعدايعا بايلانىستى بولجام قالاي جاسالاتىنىن ايتتى.

ء«ار ەپيدەميولوگيالىق جاعدايدا بولجام جاساۋ – دەنساۋلىق ساقتاۋ مينيسترلىگىنىڭ مىندەتى. ول ءۇشىن وسى ىسپەن اينالىساتىن بىزدە ارنايى عىلىمي زەرتتەۋ جانە ۋنيۆەرسيتەتتەردەگى كافەدرالار بار. ارينە، ول قالاي جاسالادى دەگەن سۇراق تۋىنداۋى مۇمكىن. ەپيدەميولوگيالىق جاعدايدا بولجام جاساۋ – ءتۇرلى ماتەماتيكالىق ستاتيستيكالىق فورمۋلالار مودەلدەرى ارقىلى جاسالادى. ەڭ بىرىنشىدەن، ول، ارينە، قازاقستاندى قورشاعان، تىكەلەي قارىم-قاتىناس بار مەملەكەتتەر ىشىندەگى ينفەكتسيانىڭ تارالۋىنا بايلانىستى. قازىرگى تاڭدا، بارىڭىزگە ءمالىم، 120 ەلدە 125 مىڭنان استام تىركەلگەن ناۋقاس بار» دەدى ەلجان ءبىرتانوۆ.

ءمينيستردىڭ ايتۋىنشا، وسى جىلدىڭ قاڭتار ايىنان باستاپ 1 ملن-نان استام ازامات ەلگە كەلدى.

«كوروناۆيرۋس جۇقتىرعان مەملەكەتتىڭ كوپشىلىگىمەن اۋەجاي جانە باسقا دا جول بويىنشا تىكەلەي قارىم-قاتىناس بار. كۇندەلىكتى شەتەلدەن ازاماتتار كەلىپ جاتىر. ولاردىڭ، ارينە، وسى ينفەكتسيانى ەلگە اكەلۋ مۇمكىندىگى بار. ونى ءبىز ءبارىمىز تۇسىنەمىز. مىسالى، ءبىزدىڭ قازىر باقىلاۋىمىزدا 4800-دەن استام ازامات ۇيدە نەمەسە كارانتيندە جاتىر. ونىڭ ءبارى ءالى قارالۋدا. ولار اۋرۋ ەمەس، بىراق اۋرۋ بولۋى مۇمكىن. سوندىقتان، ارينە، ءبىز وسىنداي جاعدايدا عىلىمي زەرتتەۋ جۇمىسىن جاساپ، وسىنداي بولجام جاساپ وتىرامىز. مۇنداي بولجامدار جاساۋ الدىن الۋ شارالارىن قابىلداۋ ءۇشىن قاجەت» دەدى ەلجان ءبىرتانوۆ.

ونىڭ ايتۋىنشا، بۇل عىلىمي مودەل كۇندەلىكتى وزگەرىپ وتىرادى. ەگەر باسقا مەملەكەتتەردەن كەلىپ جاتقان ازاماتتار سانى تومەندەسە، وندا فورمۋلا دا وزگەرىسكە ۇشىرايدى.

سوڭعى جاڭالىقتار

ۇقساس جاڭالىقتار