«قازاقستاندا پاندەمياعا بايلانىستى قوعامدىق ءىس-شارالار ونىڭ ىشىندە مادەني, سپورتتىق, كوپشىلىك ءىس-شارالار, سەمينارلار, جيىندار, كورمەلەر وتكىزۋگە تىيىم سالىنادى. دەنساۋلىق ساقتاۋ, ءبىلىم بەرۋ نىساندارىندا جانە قوعامدىق كوپشىلىك ورىنداردا, حىلىقتى قامتاماسىز ەتۋ ورتالىقتارىندا, كوممۋنالدى شارۋاشىلىق, تاماق ونەركاسىبى, ساۋدا بازارلارىندا, قوعامدىق تاماقتانۋ, ۆوكزالدار مەن اۋەجايلار, قوناق ۇيلەر كۇشەيتىلگەن سانيتارلىق دەزينفەكتسيالىق رەجيمدە جۇمىس ىستەيدى. سونداي-اق قارتتار مەن مۇمكىندىگى شەكتەۋلى ادامدارعا ارنالعان مەديتسينالىق-الەۋمەتتىك وبەكتىلەرگە, الەۋمەتتىك وڭالتۋ ورتالىقتارىنا, مۇگەدەك بالالارعا وقۋ ورنىنا بارۋعا تىيىم سالىنادى», دەدى ەرالى توعجانوۆ.
سونىمەن قاتار ول وقۋشىلارعا كانيكۋل كەزىندە وڭىردەن تىس جەرلەرگە ەكسكۋرسياعا شىعۋىنا تىيىم سالىنعانىن ايتتى.
«2020 جىلدىڭ 16 ناۋرىزىنان 5 ساۋىرىنە دەيىن ورتا ءبىلىم بەرۋ مەكەمەلەرى ۋاقىتىنان بۇرىن دەمالىسقا شىعادى. 16 ناۋرىزدان باستاپ كوللەدجدەر مەن جوو-لار قاشىقتان وقىتۋ تۇرىنە كوشەدى», دەدى ۆيتسە-پرەمەر.
ەسكە سالا كەتەيىك, بۇعان دەيىن ددسۇ كوروناۆيرۋستى پاندەميا دەپ جاريالاۋىنا بايلانىستى مەملەكەت باسشىسى قاسىم-جومارت توقاەۆ قازاقستاندا قوعامدىق ءىس-شارالار ۋاقىتشا توقتاتىلاتىنىن حابارلاعان بولاتىنبىز.
