حاكىم ابايدىڭ 175 جانە ۇلى جەڭىستىڭ 75 جىلدىعىنا ارنالعان مەرەكەلىك كونتسەرتكە ءبىلىم وشاعىنىڭ وقۋشىلارى مەن ۇستازدارى بىرنەشە اي بويى دايىندالدى. وسىناۋ مادەني شارا شىمىلدىعى قۇنانباي اۋىلىنىڭ كورىنىسى ارقىلى اشىلدى. دانىشپان ابايدىڭ «جەلسىز تۇندە جارىق اي» جانە «كوزىمنىڭ قاراسى» اندەرى كەلىندەر حورى مەن جەتىنشى سىنىپ وقۋشىسى ءمادينا سەيفۋللينانىڭ ورىنداۋىندا ادەمى دە اسەرلى شىقتى.
– ءبىزدىڭ وقۋشىلار مەن ۇستازدار قاۋىمى قانداي دا بولسىن ءان مەرەكەسىنە بەلسەنە قاتىسادى. رەپەرتۋارىمىز ءار بايقاۋعا لايىقتالىپ جاسالادى. بايقاۋعا تىڭعىلىقتى دايىندالدىق, – دەيدى №7 مەكتەپ-ليتسەيى ديرەكتورىنىڭ ورىنباسارى ازامات جاركەەۆ.
بايقاۋدىڭ ەكىنشى بولىمىندە اسكەري-پاتريوتتىق اندەر ورىندالدى. جوعارى سىنىپ وقۋشىلارى دينا قاسىموۆا, ايسۇلۋ قايسىنوۆا مەن مۇعالىمدەر حورى كورەرمەندەر قوشەمەتىنە بولەندى.
