ءىىم بايقوڭىر قالاسىنداعى وكىلدىگىنىڭ قىزمەتكەرلەرى 6 ناۋرىز كۇنگى كەزەكتى رەيدتە “لاند كرۋزەر 80” ماركالى كولىكتى توقتاتادى. كۇدىك تۋدىرعان كولىكتە جۇرگىزۋشىمەن بىرگە 3 جولاۋشى بولعان. ولار بايقوڭىر قالاسى مەن تورەتام كەنتىنىڭ تۇرعىندارى ەكەن. كولىكتى ءتىنتۋ كەزىندە جۇك سالعىشىنان 4 كيىك, 2 دانا اسحانا پىشاعى, 12-كاليبرلى مىلتىقتىڭ 9 دانا وعى تاركىلەندى.
قازىر ۇستالعانداردىڭ ءبىرى ۋاقىتشا ۇستاۋ يزولياتورىنا قاماۋعا الىنىپ, قالعاندارىنا بۇلتارتپاۋ شاراسىن قولدانۋ ماسەلەسى قارالىپ جاتىر. وسى دەرەك بويىنشا قىلمىستىق كودەكسىنىڭ 339-بابى 2-بولىگىنىڭ 2-تارماعى بويىنشا سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە.
