چەمپيوندار ليگاسىنىڭ 1/8 فينالىندا «ۆالەنسيا» «اتالانتانى» قابىلدايدى. ەۋروپا ليگاسىنىڭ ءدال سول مەجەسىندە «ينتەر» «حەتافەمەن» وينايدى. 10,12 ناۋرىز كۇندەرى وتەتىن كەزدەسۋلەردە جوعارىدا اتالعان كوماندالاردىڭ ستاديوندارىنداعى تريبۋنالار بوس بولادى.
قازىرگى كەزدە يتاليادا كوروناۆيرۋس دەرتىنە شالدىققاندار سانى 3 مىڭ ادامنان اسسا, يسپانيادا 261 ادام سول ىندەتتى جۇقتىرعان.
پسج مەن «بورۋسسيا» اراسىنداعى چەمپيوندار ليگاسىنىڭ 1/8 فينالىنىڭ جاۋاپتى ويىنى 11 ناۋرىزدا «پارك دە پرەنس» ستاديونىندا وتەدى. بوس تريبۋنالار كەزىندە ماتچ وتكىزۋ تۋرالى شەشىمدى پاريج پوليتسياسى پرەفەكتۋراسى قابىلدادى.
«وسى جاعدايعا قاراماستان, كلۋب جوعارى دەڭگەيدە ويىن وتكىزۋگە نيەتتى. ماۋسىمدىق ابونەمەنت يەلەرى مەن ويىنعا بيلەتتەر ساتىپ العان جانكۇيەرلەرگە اقپارات كەيىنىرەك بەرىلەدى», - دەلىنگەن حابارلامادا.
