«2020 جىلعى 10 ناۋرىزدان باستاپ بازالىق مولشەرلەمە پايىزدىق ءدالىزدى +/- 1,5 پايىزدىق تارماققا دەيىن قەڭەيتىپ, جىلدىق 12% دەڭگەيىندە بەلگىلەنەدى. تيىسىنشە, وتىمدىلىكتى ۇسىنۋ بويىنشا تۇراقتى قولجەتكىزۋ وپەراتسيالارى بويىنشا مولشەرلەمە 13,5% جانە وتىمدىلىكتى الۋ بويىنشا تۇراقتى قولجەتكىزۋ وپەراتسيالارى بويىنشا 10,5% بولادى. بازالىق مولشەرلەمەنى ارتتىرۋ تۋرالى شەشىم الەمدىك ەكونوميكاداعى احۋالدىڭ كۇرت وزگەرۋىنە قاراي قابىلداندى. COVID-19 كورونوۆيرۋسىنىڭ تارالۋ اۋقىمىنىڭ ايتارلىقتاي كەڭەيۋى قازاقستاندىق ەكسپورتتى نەگىزگى تۇتىنۋشى قىتاي جانە ەۋروپالىق وداق سياقتى ەلدەردىڭ ەكونوميكالىق دامۋ پەرسپەكتيۆالارىنىڭ ناشارلاۋىنداعى نەگىزگى فاكتورعا اينالدى», دەلىنگەن حابارلامادا.
ۇب مالىمەتىنشە, Brent سۇرىپتى مۇناي باعاسى 2020 جىلعى 9 ناۋرىزدا وپەك+ وتىرىسىنا قاتىسۋشىلاردىڭ مۇناي ءوندىرۋدى قىسقارتۋ بويىنشا مامىلەنىڭ تالاپتارى تۋرالى ۋاعدالاستىققا كەلە الماۋى ناتيجەسىندە كۇرت تومەندەدى. ونىڭ بەلگىلەنگەن باعاسى ءبىر كۇندە 30%-دان اسا بارىنشا كوپ تومەندەپ, ءبىر باررەل ءۇشىن 31-36,5 اقش دوللارى دەڭگەيىندە بولدى.
«ينفلياتسيالىق تارگەتتەۋ شەڭبەرىندە جۇرگىزىلەتىن ۇلتتىق بانكتىڭ اقشا-كرەديت ساياساتى ەل ەكونوميكاسىنا سىرتقى كۇتپەگەن وزگەرىستەر سالدارىنىڭ تارالۋىن الدىن الۋعا, ماكروەكونوميكالىق تۇراقتىلىقتى قامتاماسىز ەتۋگە جانە تەڭگەدەگى اكتيۆتەردى قورعاۋعا باعىتتالدى. ۇلتتىق بانك ۇلتتىق ۆاليۋتانىڭ ەركىن وزگەرمەلى ايىرباستاۋ باعامى رەجيمىن ۇستانۋدى ساقتايدى. قاجەت بولعان كەزدە قارجى جۇيەسىنىڭ تۇراقتىلىعىن قامتاماسىز ەتۋ ءۇشىن ۆاليۋتالىق وكتەمدىكتەر جۇرگىزەدى. ۇلتتىق بانك ىشكى اقشا جانە ۆاليۋتا سەگمەنتتەرىندەگى, سونداي-اق الەمدىك شيكىزات نارىقتارىنداعى احۋالعا ۇزدىكسىز مونيتورينگ جۇرگىزەدى جانە قاجەتتىلىگىنە قاراي قارجىلىق تۇراقتىلىقتىڭ قوسىمشا شارالارىن قابىلدايدى», دەلىنگەن حابارلامادا.
بازالىق مولشەرلەمە بويىنشا قازاقستان رەسپۋبليكاسى ۇلتتىق بانكىنىڭ كەزەكتى شەشىمى 2020 جىلعى 16 ناۋرىزدا نۇر-سۇلتان قالاسىنىڭ ۋاقىتىمەن ساعات 15:00-دە جاريالانادى.
