«سىرتقى فاكتورلارعا بايلانىستى قالىپتاسىپ وتىرعان ەكونوميكالىق جاعدايدا مەملەكەتتىك بيۋدجەتتىڭ تەڭگەرىمدىلىگىن جانە تۇراقتى دامۋىن قامتاماسىز ەتۋ ءۇشىن ءتيىستى شارالار قولدانىلادى. ءبىرىنشى كەزەكتە رەسپۋبليكالىق بيۋدجەتتىڭ شىعىستارى وڭتايلاندىرىلاتىن بولادى», - دەدى ءاليحان سمايىلوۆ.
ءمينيستردىڭ ايتۋىنشا بىرىنشىدەن, بيۋدجەت قاراجاتىنىڭ ەسەبىنەن قىمبات جيھازدار مەن اۆتوكولىكتەر ساتىپ الۋ, سەمينارلار, فورۋمداردى وتكىزۋ جانە باسقا دا يميدجدىك شارالار وڭتايلاندىرىلماق.
«وسى باعىتتار بويىنشا الدىن الا جۇمىستار جۇرگىزىلدى. مەملەكەتتىك ورگاندار مەن وڭىرلەردىڭ, كۆازيمەملەكەتتىك سۋبەكتىلەردىڭ ءتيىستى قادامدىق ارەكەتتەرىنىڭ جول كارتاسى بەكىتىلدى. ەكىنشىدەن, كەيىنگى مەرزىمگە قالدىرۋعا بولاتىن اعىمداعى جاعدايداعى باسىمدى ەمەس شىعىستار, جوبالار مەن شارالار جانە دە جاڭا جوبالار, ولاردىڭ ىشىندەگى كەيىنگە قالدىرۋ شارتىمەن بيۋدجەتتە قاراستىرىلعان جوبالار. سونىمەن قاتار بارلىق الەۋمەتتىك مىندەتتەردىڭ تولىق ورىندالۋى قامتاماسىز ەتىلەدى. بۇدان باسقا, ينفلياتسيانىڭ كوريدورىنىڭ قايتا قاراستىرىلۋىن ەسكەرە وتىرىپ – پەنسيا, جاردەماقى جانە اتاۋلى الەۋمەتتىك كومەكتەردى يندەكساتسيالاۋ ءۇشىن شارالار قابىلدانادى», - دەدى ول.
