وقۋشىلاردىڭ ارداگەرلەرمەن كەزدەسۋ شارالارى مەكتەپتە ۇزدىكسىز ۇيىمداستىرىلىپ وتىرادى. بۇل جولى باسقوسۋعا زياتكەرلەر وزدەرىنىڭ اجەلەرىن شاقىرىپ, ولار جاس ۇرپاققا ومىرلىك جولدارىنان تاربيەلىك ءمانى بار اڭگىمەلەر ايتتى. ۇمىتىلىپ بارا جاتقان اندەردى شىرقالعان كەشتە اجەلەر بالالارعا قولونەردىڭ قۇندىلىعى جايلى ايتىپ, ۇرشىق ءيىرىپ, تەكەمەت باسۋ تاسىلدەرىن كورسەتتى.
– بۇل وتە يگى باستاما. زاماناۋي تەحنولوگيالار دامىعان زاماندا ۇلتتىق مۇرانى جاستار اراسىندا ناسيحاتتاۋ وتە ماڭىزدى. بۇگىن ۇلتتىق قۇندىلىقتار كورىنىس تاپقان جانە تۇرعىندارىنىڭ اۋىزبىرشىلىگى جاراسقان ءبىر ۇلكەن اۋىل مەرەكەسىنە كەلگەندەي اسەر الدىم, – دەدى اجەي سۆەتا سابىرباي.
شارا بارىسىندا جاس دارىندىلار اجەلەرىنە عالامتور جۇيەسىن پايدالانۋدى ۇيرەتتى. شاراعا قاتىسۋشىلار الدا الەۋمەتتىك جەلىدە «ۇرپاقتار ساباقتاستىعى» اتتى جاڭا توپ قۇرىپ, سول جەردە ناقىل سوزدەر مەن تاربيەلىك ءمانى بار اڭگىمەلەر جاريالاۋدى جوسپارلاپ وتىر.
