سۋرەتتى تۇسىرگەن ۆالەري بۋگاەۆ
قازىر ترامۆاي باسقارماسى كولىك پاركىن جاڭارتۋدا. سوڭعى ەكى جىلدا بەلارۋس ەلىنەن دىبىسسىز جۇرەتىن 20 جاڭا ترامۆاي ساتىپ الىندى. بۇعان قالا تۇرعىندارى قۋانىشتى. بيىل 1 ناۋرىزدان باستاپ ترامۆايداعى جول ءجۇرۋ بيلەتتەرىنىڭ باعاسى ارزاندادى. بۇعان دەيىن ءبىر اي بويى جۇرۋگە ارنالعان بيلەتتى تۇرعىندار 6500 تەڭگەگە ساتىپ السا, ەندى ونىڭ باعاسى 5 مىڭ تەڭگە بولادى.
باسقارما توراعاسى مۋسليم ماحمۋدوۆتىڭ مالىمدەۋىنشە, تۇرعىنداردىڭ ترامۆاي قىزمەتىن پايدالانۋدا ديففەرەنتسيالدى جۇيە ءتۇرى ەنگىزىلدى. بۇل جاڭاشىلدىقتىڭ ءمانى بۇرىن ءبىر ايعا بەرىلەتىن ءجۇرۋ بيلەتتەرى ءار ايدىڭ 25-ءى مەن كەلەسى ايدىڭ 5-ءى ارالىعىندا ساتىلاتىن. ەندى وسى ارالىقتا ترامۆايدىڭ ءبىر ايلىق جول ءجۇرۋ بيلەتتەرىن ساتىپ الۋعا ۇلگەرمەگەن تۇرعىندار ايدىڭ كەز كەلگەن كۇنىندە الۋىنا مۇمكىندىك بار.
تاعى ءبىر جاڭاشىلدىق – ءبىر جىلدىق جول ءجۇرۋ بيلەتتەرى كۇن سايىن ترامۆاي قىزمەتىن پايدالاناتىن كوپ بالالى وتباسىلارعا دا بەرىلەدى. كاسىپورىن Nur Otan پارتياسىمەن بىرلەسىپ, كوپ بالالى وتباسىلارعا قولداۋ كورسەتۋدە.
– قازىر تۇرعىنداردىڭ ءارتۇرلى الەۋمەتتىك ساناتتارىنا ارنالعان بيلەتتەر شىعارىلادى. بۇرىن وقۋشىلارعا, ستۋدەنتتەرگە جانە زەينەتكەرلەرگە ارنالعان ارنايى بيلەتتەر بولعان جوق. الداعى ايلاردا وقۋشىلار مەن زەينەتكەرلەرگە ارنالعان ءبىر ايلىق بيلەت باعاسى 2500 تەڭگە, ستۋدەنتتەردىڭ بيلەتتەرى 3 مىڭ تەڭگە بولماق, – دەيدى باسقارما توراعاسى.
پاۆلودار
