فوتونى تۇسىرگەن مەيىرمان حۋساينوۆ
م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە وتكەن باسقوسۋدا اكادەميالىق ۇتقىرلىق, ەۋروپالىق ۋنيۆەرسيتەتتەرىمەن ورناتىلعان ىنتىماقتاستىق جانە ەۋروپالىق ءبىلىم بەرۋ باعدارلامالارعا قاتىسۋ ماسەلەلەرى قاراستىرىلدى.
سونىمەن قاتار ۋنيۆەرسيتەتتىڭ قىزمەتىمەن جانە جەتىستىكتەرىمەن تانىستى. ەو مۇشە مەملەكەتتەر ەلشىلەرى ستۋدەنتتەرمەن AmbassadorsCafé فورماتىندا بەيرەسمي تۇردە كەزدەسىپ, ەو-قازاقستان ىنتىماقتاستىعىنىڭ ماڭىزدى تۇستارىن تالقىلاپ, ءوزىنىڭ مانساپ جولىمەن, جيناقتاعان تاجىريبەسى, جانە ديپلوماتيا مەن كوشباسشىلىقتىڭ سىر-قىرلارىمەن ءبولىستى.
مۇنداي كەزدەسۋلەردىڭ بەيرەسمي اتموسفەراسى ەۋروپالىق وداق پەن قازاقستاننىڭ ەكى جاقتى ىنتىماقتاستىعىنىڭ, ەو-نىڭ الەمدىك گەوساياساتتاعى ايماقتىق ۇستانىمىنىڭ وزەكتى ماسەلەلەرى بويىنشا بارىنشا قولايلى فورماتتا "ساعاتتاردى سالىستىرىپ قاراۋعا" مۇمكىندىك بەرەدى.
م.اۋەزوۆ اتىنداعى وقمۋ بولون پروتسەسىنىڭ پارامەترلەرىن بەلسەندى تۇردە ىسكە اسىرادى. سەرىكتەس جوعارى وقۋ ورىندارىمەن 180-نەن استام حالىقارالىق كەلىسىم-شارتقا يە. ونىڭ شەڭبەرىندە جىل سايىن 100-دەن استام ستۋدەنت اكادەميالىق ۇتقىرلىق باعدارلاماسى بويىنشا ءبىلىم الۋدا. ءارى «ەراسمۋس» باعدارلاماسىنا قاتىسۋدا. بۇل جازعى جانە قىسقى مەكتەپتەردى ۇيىمداستىرۋدا, شەتەلدىك جوعارى وقۋ ورنىندا تاعىلىمدامادان ءوتىپ تاجىريبە جيناۋدا ستۋدەنتتەر مەن پروفەسسور-وقىتۋشىلار قۇرامىنا ءوز سەپتىگىن تيگىزەتىنى انىق.
شىمكەنت
