ايماقتار • 04 ناۋرىز، 2020

الماتىدا Cisco جەلىلىك اكادەمياسىنىڭ العاشقى حاكاتونى ءوتتى

205 رەت كورسەتىلدى

سدۋ تەحنوپاركىندە جەلىلىك تەحنولوگيالار سالاسىنداعى الەمدىك كوشباسشى - Cisco كومپانياسىنىڭ العاشقى حاكاتونى ءوتتى. اۋقىمدى ءىس-شارا سدۋ جانە Cisco جەلىلىك اكادەمياسىنىڭ ۇيىمداستىرۋىمەن ءوتتى.

حاكاتوننىڭ شارتتارى بويىنشا ستۋدەنتتەر 24 ساعات بويى پروتوتيپتەرمەن ۇزدىكسىز جۇمىس ىستەپ،  مارەگە 19 كوماندا جەتتى، ولار ءوز جوبالارىن قازىلار القاسىنا ۇسىندى.

IoT ترەگىندە ءبىرىنشى ورىندى Integration of Smart Things جوباسىمەن حالىقارالىق اقپاراتتىق تەحنولوگيالار ۋنيۆەرسيتەتىنىڭ «TUK» كومانداسى يەلەندى. پروتوتيپتەردىڭ ءبىرى رەتىندە ستۋدەنتتەر دىبىس اعىنىن ماتىنگە تۇرلەندىرۋگە مۇمكىندىك بەرەتىن Google Speech API جۇيەسىن بىرىكتىردى. شەشىم سۋبتيترلەردى كورسەتۋ ءۇشىن بەينەكونفەرەنتسيا بارىسىندا پايدالانىلۋى مۇمكىن، بۇل تەك مۇمكىندىگى شەكتەۋلى ادامدارعا عانا ەمەس، سونىمەن قاتار سپيكەردىڭ ءسوزى شۋلى جانە ەستىلمەيتىن جەرلەردە دە كومەكتەسەدى. جەڭىمپازدار XNET كومپانياسىندا تاعىلىمدامادان ءوتىپ، Cisco SilkWay Forum شاراسىنا قاتىسۋ مۇمكىندىگىنە يە بولدى.

Software ترەگىنىڭ جەڭىمپازى SDU-دان «Akatsuki» كومانداسى اتاندى. قاتىسۋشىلار كەڭسەلىك تۇراق پروتسەسىن اۆتوماتتاندىرۋعا تىرىستى. ولاردىڭ شەشىمى نومىرلىك بەلگىلەر بازاسى بار كامەرا مەن كومپيۋتەردىڭ كومەگىمەن شلاگباۋمدى باسقارۋعا، قىزمەتكەرلەردى جىبەرۋگە، بوس تۇراق ورىندارىن كورۋگە جانە ولاردى تەلەگرام-بوت ارقىلى برونداۋعا مۇمكىندىك بەرەدى. كوماندا WinnCom Technologies كومپانياسىندا تاعىلىمدامادان ءوتىپ، Cisco SilkWay Forum - عا جولداما الدى.

- قازاقستاندا Cisco العاشقى حاكاتونىندا ستۋدەنتتەر IoT تاقىرىبىنا تەحنيكالىق كونتسەپتسيالاردى تاجىريبە جۇزىندە يگەرىپ، «Cisco Design Thinking» كرەاتيۆتى ويلاۋ بويىنشا ترەنينگتەن ءوتتى، سونداي-اق پيتچ-ترەنينگ بارىسىندا ءوز يدەيالارىن تانىستىرۋدى ۇيرەندى. ءبىز ءىس-شاراعا قاتىسۋ جاستارعا تەك وقۋدا عانا ەمەس، سونىمەن قاتار تابىستى مانساپ قۇرۋعا كومەكتەسەدى دەپ ۇمىتتەنەمىز. ايتا كەتكەن ءجون، حاكاتوننىڭ قورىتىندىسى بويىنشا قازاقستاننىڭ جەتەكشى IT-كومپانيالارى، Cisco سەرىكتەستەرى كەيبىر ستۋدەنتتەردى تاجىريبەگە الۋعا دايىن»، - دەپ اتاپ ءوتتى قازاقستانداعى Cisco جەلىلىك اكادەميالارىنىڭ مەنەدجەرى نارگيز وماربەكوۆا.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار