پارلامەنت • 03 ناۋرىز، 2020

داريعا نازارباەۆا قىرعىزستان ەلشىسىن قابىلدادى

30 رەتكورسەتىلدى

سەنات توراعاسى داريعا نازارباەۆا قىرعىز رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى جەەنبەك كۋلۋباەۆتى قابىلدادى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

ديپلومات سەنات باسشىسىنا جوگوركۋ كەنەش توراعاسى داستانبەك جۇمابەكوۆتىڭ قىرعىزستانعا رەسمي ساپارمەن كەلۋ تۋرالى شاقىرۋىن تابىس ەتتى.

«بۇگىنگى تاڭدا قىرعىزستان مەن قازاقستان ساياسي جانە ەكونوميكالىق قارقىندى ديالوگ جۇرگىزءىپ كەلەدى. وتكەن جىلى قازاقستان پرەزيدەنتىنىڭ قىرعىزستانعا مەملەكەتتىك ساپارى بولدى، وندا قىرعىز رەسپۋبليكاسىنىڭ پرەزيدەنتى س.جەەنبەكوۆپەن كەلىسسوزدەر جاسالدى. قول جەتكەن كەلىسىمدەر ەكىجاقتى قارىم-قاتىناستاردىڭ دامۋىنا تىڭ سەرپىن بەردى ءارى ءارىپتەستىكتىڭ كەلەشەگى زور باعىتتارى انىقتالدى»، - دەدى ج. ق ۇلىباەۆ.

جەەنبەك كۋلۋباەۆ ءاڭگىمە بارىسىندا ەلباسى نۇرسۇلتان نازارباەۆتىڭ قىرعىزستانداعى ساياسي جاعدايدى تۇراقتاندىرۋعا جانە رەتتەۋگە قوسقان زور ۇلەسىن اتاپ ءوتتى. «بىزدە ەشقانداي قاراما-قايشىلىق جوق، ءبىز حالىقارالىق ديالوگ بويىنشاسويلەسۋگە تىرىسامىز»، - دەپ اتاپ ءوتتى ول.

قىرعىزستان ەلشىسى ءوزارا ەكونوميكالىق ءىس-قيمىل تۋرالى ايتا كەلءىپ، ەكى ەل باسشىلارىنىڭ كەلىسسوزدەرى اياسىندا تاۋار اينالىمىن 1 ملرد دوللارعا جەتكىزۋ تۋرالى كەلىسىمگە قول جەتكەنىن جەتكىزدى. «ەكسپورتتىق-يمپورتتىق وپەراتسيالاردى ىنتالاندىرۋ ءۇشىن تاۋارلاردى راسىمدەۋ جانە وڭدەۋ جونىندەگى لوگيستيكا ورتالىعىن قۇرۋ ۇسىنىلدى. بۇگىنگى كۇنى بۇل تاقىرىپتى سالالىقمينيسترلىكتەر پىسىقتاپ جاتىر. بۇل اۋىل شارۋاشىلىعى ونىمدەرىن ەكسپورتتاۋ سالاسىنداعى ءتيىمدى ىنتىماقتاستىق بولادى»، - دەدى ديپلومات.

داريعا نازارباەۆا بۇل باستاماعا قولداۋ ءبىلدىردى جانە شەكارادا لوگيستيكا ورتالىعى قاجەت ەكەنىن، ول ساۋدا-ەكونوميكالىق ىنتىماقتاستىقتى ۇلعايتۋعا ىقپال ەتەتىنىن اتاپ ءوتتى.

جەەنبەك ق ۇلىباەۆ سونىمەن قاتار نۇر-سۇلتان مەن بىشكەك قالالارى اراسىنداعى اۋە قاتىناسىن قالپىنا كەلتىرۋ ماسەلەسىنە نازار اۋداردى جانە ەكى ەل اراسىنداعى كەدەندىك ءوزارا ءىس-قيمىلدى جولعا قويۋ قاجەتتىگىن ايتتى.

سەنات باسشىسى ەكى ەلدىڭ كەدەن زاڭناماسىن قايتا قاراۋ قاجەت ەكەنىنە توقتالدى. «كونتراباندا اعىنىن توقتاتايىق، ءبىزدەگى بيزنەسكە تابىس تابۋعا مۇمكىندىك بەرىپ، كونتراباندانىڭ ءتيىمسىز بولۋىنا ىقپال ەتەيىك. ارزان تاۋار ءتۇسىمى ادال بيزنەسكە زيان كەلتىرەدى»، - دەدى د.نازارباەۆا.

سەنات توراعاسى ءوڭىردىڭ سۋ رەسۋرستارىن ءتيىمدى پايدالانۋ تاقىرىبىن دا كوتەردى.

«بىزدەگى ورتاق ماسەلە سۋ بولىپ وتىر.  ەگىن ەگۋ جۇمىستارى ماۋسىمى جاقىنداعان سايىن ءبىزدىڭ اۋىل شارۋاشىلىعى وندىرۋشىلەرى سۋارمالى سۋدىڭ تاپشىلىعىنان زارداپ شەگەدى. بۇل ءبىزدىڭ فەرمەرلەردىڭ ءونىم كولەمىن ازايتادى. بۇل وتە سەزىمتال تاقىرىپ. ەكى تاراپتىڭ ورتاق شەشىمگە كەلۋى اسا ماڭىزدى. سۋ پروبلەماسىنا بايلانىستى بۇكىل اۋداننىڭ زارداپ شەگىپ جاتقانى ءبىزدى الاڭداتىپ وتىر. مۇنداي كەدەرگىلەردىڭ بولعانى جانە جىلدار بويى شەشىلمەي كەلە جاتقانىوكىنىشتى»، - دەدى د.نازارباەۆا.

سەنات توراعاسى كەزدەسۋ قورىتىندىسى بويىنشا سۋدىڭ تەپە-تەڭدىگى ماسەلەلەرىن شەشۋدە بىرىڭعاي تاسىلدەردى ازىرلەۋ ءۇشىن پارلامەنتارالىق جۇمىس توبىنىڭ جۇمىسىنا قارقىن بەرۋدى ۇسىندى.

سوڭعى جاڭالىقتار

ۇقساس جاڭالىقتار