سەمەيدە قازاقستاننىڭ قاسيەتتى ورىندارى تۋرالى شارا ءوتتى

-بۇگىن ءبىز «رۋحاني جاڭعىرۋ» باعدارلاماسىنىڭ «قاسيەتتى قازاقستان» ارنايى جوباسى اياسىندا «كيەلى قازاقستان» اتتى اقپارتتىق سەمينار وتكىزىپ وتىرمىز. شارامىزدىڭ باستى مىندەتى, كىتاپحانا قىزمەتكەرلەرىنىڭ شىعارماشىلىق بەلسەندىلىگىن ارتتىرۋ, تاريحي-مادەني ەسكەرتكىشتەردى ناسيحاتتاۋدىڭ جاڭا ءادىس-تاسىلدەرىن ايقىنداپ, رۋحاني قۇندىلىقتاردى پاش ەتۋدەگى تاجىريبەنى انىقتاپ, تاراتۋ. مۇندا ءبىز ەلىمىزدىڭ مادەني جانە قاسيەتتى جەرلەرىن زەرتتەۋگە باعىتتالعان «قازاقستاننىڭ كيەلى گەوگرافياسى» جوباسى تۋرالى اڭگىمەلەيمىز. مۇنداي سەمينارلار, ارينە, بۇرىن دا وتكىزىلدى, بىراق بۇگىنگى كۇننىڭ ەرەكشەلىگى دە بار, ءبىز بۇگىنگى تاڭدا قازاقستاننىڭ كيەلى جەرلەرىمەن كەڭىرەك تانىساتىن بولامىز. ەگەر بۇرىن بۇل جوبا تۋرالى كوپ كولەمدە ايتىلماسا, بۇگىن ءبىز وسى جوباداعى ەلىمىزدىڭ كيەلى ورىندارىندا ناقتى توقتاۋعا نيەتتىمىز, - دەيدى كىتاپحانا ادىسكەرى مەرۋەرت جۇكەنوۆا.

سەمەي اقپاراتتىق ورتالىعىنىڭ مالىمەتىنشە, شاراعا قاتىسۋشىلار «وڭتۇستىك قازاقستاننىڭ 7 كەرەمەتى» اتتى جەدەل-اقپاراتپەن, سونداي-اق كورنەكى جانە اقپاراتتىق جۇمىستىڭ جاڭا تۇرلەرىنىڭ ءبىرى – كىتاپحانالىق كۆيلت جاساۋ ادىسىمەن, سونىمەن بىرگە مۋلتيمەديالىق «قىزعالداق تۋرالى اڭىزدار» اتتى بەينە-شولۋمەن تانىستىرىلىپ, «كيەلى جەرلەرگە ساياحات» اتتى تاريحي باتتل سايىسىندا باق سىناۋعا مۇمكىندىك الدى. سونىمەن قاتار ورتالىق كىتاپحانا ماماندارى اراسىندا ۇزدىك بيبليوگيد سايىسى ءوتتى. وعان قاتىسۋشى كىتاپحاناشىلار قاسيەتتى قازاقستان ارنايى جوباسىنىڭ تىزىمىنە ەڭگەن ەلىمىزدىڭ كيەلى جەرلەرى تۋرالى ەرەكشە اسەر ەتىپ ۇسىندى.

سونىمەن بىرگە شارا بارىسىندا ەلباسى ۇسىنعان رۋحاني جاڭعىرۋ باعدارلاماسى اياسىندا ۇلتتىق اسىل مۇرانى, ونىڭ ىشىندە ولكەتانۋ ادەبيەتتەرىن كەڭ كولەمدە ناسيحاتتاپ, ۇرپاقتان ۇرپاققا جەتكىزۋ ماقساتىندا ورتالىقتاندىرىلعان كىتاپحانا جۇيەسىنىڭ سايتىندا قۇرىلعان ونلاين-كىتاپحانانىڭ تۇساۋكەسەرى ءوتتى.

سەمەي