«دوبروە سەردتسە كوكشەتاۋ» دەپ اتالاتىن ۇيىم وزدەرىنىڭ ىزگىلىكتى ءىس-قيمىل, ىزەتتى ءىس-ارەكەتىنىڭ ارقاسىندا جاس تولقىنعا عانا ەمەس, جاستارى جەر ورتاسىنان اۋعان ەگدە ادامدارعا دا ۇلگى, جاقسىلىققا ۇيىتقى بولىپ كەلە جاتىر.
ادامعا قولعابىس ەتۋگە ءاردايىم دايىن تۇراتىن بيبىگۇل بەيسەنوۆانىڭ ايتۋىنا قاراعاندا, ءبىر ادامعا جاقسىلىق جاساسا, جانى جادىراپ قالادى. ءتىپتى, بەيتانىس ادامدارعا دا قول ۇشىن بەرەدى. سول تيتتەي كومەگىنەن رۋحاني ءلاززات الادى. مۇنىڭ ءوزى جاقسى قاسيەت. كەيىپكەرىمىزدىڭ توپشىلاۋىنشا, قايىرىمدىلىق جاساعان ادامىنىڭ كوزىنەن ريزاشىلىق سەزىمدى بايقاۋ قيىن ەمەس. توڭىرەگىنە وسىلايشا مەيىرىم نۇرىن توگىپ جۇرسە, كۇللى الەم جاقسىلىقتان جادىراپ كەتكەندەي كورىنەدى.
مىنە, بۇگىن وزگە ۆولونتەرلارىمەن بىرگە كوپبالالى انانىڭ ۇيىنە ازىق-ت ۇلىك اكەلدى. ءبىر وتباسىنداعى جەتى بالا ءۇشىن بۇل جان جادىراتار وقيعا. ءبىر ايتا كەتەرلىگى, جاندارىنان شۋاق توگىلگەن قايىرىمدى جاندار ولارعا ءۇش جىلدان بەرى كومەكتەسىپ كەلەدى. بولاشاقتا باسپانالى بولۋلارىنا دا جاردەمدەسپەك.
–شىنىن ايتقاندا, قازىر كومەك قولىن سوزاتىن قامقور ادامدار كوپ ەمەس. اركىم ءوزىنىڭ كۇيكى تىرشىلىگىمەن اۋرە. ال, قايىرىمدىلىق ادامداردىڭ اراسىنداعى بىرلىكتى, بولاشاققا دەگەن سەنىمدى نىعايتا تۇسەدى,–دەيدى كوپ بالالى انا ەكاتەرينا پاجارسكايا.
الداعى ۋاقىتتا وبلىستا ۆولونتەرلاردى قولداۋعا ارنالعان 80-گە جۋىق ورتالىق اشىلماق. قازىر وڭىردە رەسمي تۇردە تىركەلگەن ۆولونتەرلىق 10 بەلسەندى ۇيىم جۇمىس ىستەۋدە.
كوكشەتاۋ قالاسى
