جىلۋ ەنەرگەتيكالىق كەشەنىنىڭ قالدىقتارى – ونەركاسىپتىڭ ءتۇرلى سالالارىندا, سونداي-اق, جولداردى سالۋ كەزىندە قولدانىلاتىن امبەباپ ماتەريال. توپىراقتى بەكەمدەۋ كەزىندە تۇتقىرلاعىش كومپونەنت رەتىندە پايدالانىلاتىن كۇل تسەمەنتتى 20% ۇنەمدەۋگە كومەكتەسەدى. ماسەلەن, قازاقستاندا 5 جىل ىشىندە جولداردى سالۋ كەزىندە ونەركاسىپتىك قالدىقتاردىڭ شامامەن 8 ملن تونناسى پايدالانىلعان.
باتىس ەۋروپادا جەو قالدىقتارىن جول قۇرىلىسىندا قولدانۋ پروبلەماسىن شەشۋدە اناعۇرلىم پروگرەسسيۆتى جۇمىس اتقارىلۋدا. فرانتسيادا وسى قالدىقتاردى «قۇرعاقتاي» ءبولۋ ارقىلى پايدالانسا, اقش-تا ۇشپا كۇل مەن گيدروجويۋ ك ۇلى قۇرىلىستا قولدانىلادى. وڭتۇستىك افريكادا ۇشپا كۇل ءتۇرلى تسەمەنت تۇرلەرىمەن كۇشەيتىلىپ, جول قۇرىلىسىنا ارنالعان توپىراقتى تۇراقتاندىرعىش رەتىندە كادەگە جاراتىلادى ەكەن.
الماتىلىق ەكولوگتار مەن جولشىلار كۇل-قوج قالدىقتارىن قايتا پايدالانۋ مۇمكىندىكتەرى, زەرتحانالىق سىنامالار مەن جول سالۋ كەزىندە قوسپانىڭ ءتيىستى قۇرامىن تاڭداۋدىڭ قاجەتتىگى تاقىرىپتارىن تالقىلادى. جوبا كۇل ۇيىندىلەرىنىڭ كولەمىن ازايتىپ, ايماقتاعى ەكولوگيالىق جاعدايدى جاقسارتۋعا ىقپال ەتپەك.
ەسكە سالايىق, الداعى 5 جىلدا رەسپۋبليكالىق ماڭىزى بار جولداردى سالۋ جانە قايتا جاڭارتۋ كەزىندە وندىرىستىك قالدىقتاردىڭ 5,3 ملن تونناسى پايدالىنىلادى دەپ جوسپارلانۋدا.
