رەسمي دەرەككە سەنسەك, اۋىل شارۋاشىلىعى داقىلدارىن 623,3 مىڭ گەكتارعا ورنالاستىرۋ جوسپارلانعان. وتكەن جىلى 640 مىڭ گەكتار القاپتان 3,2 ملن توننا ءونىم جينالعان بولاتىن. بۇل تۋرالى اۋىل شارۋاشىلىعى باسقارماسىنىڭ باسشىسى ءابدىراسىل جەلەۋباەۆ حابارلادى.
ونىڭ ايتۋىنشا, ەگىستىك القاپتارىنىڭ قىسقارۋى 2026-2028 جىلدار ارالىعىندا يسلام دامۋ بانكىنىڭ قارجىلاندىرۋىمەن 76 كانالعا جۇرگىزىلەتىن جوندەۋ جۇمىستارىنا تىكەلەي بايلانىستى.
سۋارمالى جەر كولەمىنىڭ ۋاقىتشا ازايۋىنا بايلانىستى سۋدى كوپ قاجەت ەتەتىن كوكونىس داقىلدارىنىڭ كولەمى 7,5 مىڭ گەكتارعا قىسقارىپ, جالپى الاڭى 23,6 مىڭ گەكتاردى قۇرايدى. سونداي-اق باقشا داقىلدارىنىڭ كولەمى 8 مىڭ گەكتارعا ازايتىلىپ, 4,7 مىڭ گەكتارعا ورنالاستىرۋ جوسپارلانۋدا.
جامبىل وبلىسىنىڭ كوكتەمگى ەگىن ەگۋ جۇمىستارىنا دايىندىعى قالاي؟
باسقارما باسشىسىنىڭ ايتۋىنشا, قايتا وڭدەۋ كاسىپورىندارىن شيكىزاتپەن قامتاماسىز ەتۋگە باسىمدىق بەرىلمەك. وسى ماقساتتا داندىك جۇگەرى القابى 11,8 مىڭ گەكتارعا ۇلعايىپ, جالپى كولەمى 30 مىڭ گەكتارعا جەتكىزىلەدى. قانت قىزىلشاسىنىڭ ەگىس كولەمى 1,9 مىڭ گەكتارعا ارتىپ, 8,5 مىڭ گەكتاردى قۇرايدى.
