مەملەكەتتىك كەڭەسشىمەن بىرگە وڭىرگە جالپىۇلتتىق كواليتسيا مۇشەلەرى – قازاقستان رەسپۋبليكاسى پارلامەنتى ءماجىلىسى توراعاسىنىڭ ورىنباسارى دانيا ەسپاەۆا, ادىلەت ءمينيسترى ەرلان سارسەمباەۆ, پرەزيدەنت تەلەراديو كەشەنىنىڭ ديرەكتورى راۋشان قاجىباەۆا, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى ينديرا رىستينا, تەاتر جانە كينو اكتەرى اسىلحان تولەپوۆ, پروديۋسەر ءارى كاسىپكەر الماس جالي, Uni-Q Group مەدياحولدينگىنىڭ باس ديرەكتورى مۇحامەدقالي تاۋان, «ۇلتتىق رۋح» قوعامدىق بىرلەستىگىنىڭ جەتەكشىسى ايات سۇگىرباي باردى.
ساپار اياسىنداعى نەگىزگى ءىس-شارا – ءوڭىر اكتيۆىمەن وتكەن كەزدەسۋ. وعان مىڭنان استام ادام قاتىستى. ولاردىڭ قاتارىندا ءوڭىردىڭ كورنەكتى قوعام قايراتكەرلەرى, ەڭبەك ارداگەرلەرى, ءماسليحات دەپۋتاتتارى, قوعامدىق كەڭەستەردىڭ, ەتنومادەني بىرلەستىكتەردىڭ, ساياسي پارتيالار مەن ۇكىمەتتىك ەمەس ۇيىمداردىڭ مۇشەلەرى, ءبىلىم بەرۋ, دەنساۋلىق ساقتاۋ, مادەنيەت, سپورت, بيزنەس سالالارىنىڭ وكىلدەرى, جاس كوشباسشىلار جانە وزگە دە ازاماتتار بار.
كەزدەسۋ اقتوبە وبلىسىنىڭ اكىمى اسحات شاحاروۆتىڭ بايانداماسىمەن باستالدى.
ءوز كەزەگىندە, مەملەكەتتىك كەڭەسشى ەرلان قارين جاڭا كونستيتۋتسيا جوباسىن ازىرلەۋ بارىسىنا جانە ونىڭ ەل بولاشاعى ءۇشىن ستراتەگيالىق ماڭىزىنا جان-جاقتى توقتالدى. ول جاڭا كونستيتۋتسيا ءبىلىم بەرۋ, عىلىم, يننوۆاتسيالار مەن ادام كاپيتالىن دامىتۋ ءىسىن باسىم باعىتتار رەتىندە ايقىنداي وتىرىپ, ەل دامۋىنا تىڭ سەرپىن بەرەتىنىن مالىمدەدى.
«جاڭا كونستيتۋتسيا جوباسىندا ادام كاپيتالىن, ءبىلىم بەرۋ ءىسىن, عىلىم مەن يننوۆاتسيالاردى دامىتۋ ماسەلەسى نەگىزگى ستراتەگيالىق باسىمدىقتار رەتىندە ايقىندالدى. وسىلايشا, جاڭا كونستيتۋتسيا مەملەكەت دامۋىنا تىڭ سەرپىن بەرەدى», دەدى ەرلان قارين.
پارلامەنت ءماجىلىسى توراعاسىنىڭ ورىنباسارى دانيا ەسپاەۆا ءبىرپالاتالى پارلامەنت – قۇرىلتاي قۇرۋعا قاتىستى ينستيتۋتسيونالدىق وزگەرىستەردى جانە ونىڭ بيلىكتىڭ زاڭ شىعارۋشى تارماعىن نىعايتۋداعى, مەنشىك قۇقىعى مەن ۇلتتىق ەكونوميكا مۇددەسى قورعاۋداعى ماڭىزىن ءتۇسىندىردى.
ادىلەت ءمينيسترى ەرلان سارسەمباەۆ ازاماتتاردىڭ قۇقىعى مەن بوستاندىعى كەپىلىن كۇشەيتۋ, زاڭ ۇستەمدىگىن قامتاماسىز ەتۋ جانە جاڭا كونستيتۋتسيالىق نورمالاردى تاجىريبە جۇزىندە ىسكە اسىرۋ ماسەلەلەرىنە نازار اۋداردى. سونداي-اق مينيستر ادىلەت جۇيەسىندەگى تاۋەلسىز ادۆوكاتۋرانىڭ ءرولىن نىعايتۋ ماسەلەسىنە توقتالدى.
اقتوبە وبلىسىنىڭ تۋماسى, ەڭبەك ەرى امانعوس تولەۋوۆ جاڭا كونستيتۋتسيا مازمۇنىنىڭ الەۋمەتتىك باعىتى مەن ادامعا نەگىزدەلگەن باعدارىن اتاپ ءوتتى.
تەاتر جانە كينو اكتەرى اسىلحان تولەپوۆ جاڭا كونستيتۋتسيالىق نورمالاردىڭ مادەنيەتتى, شىعارماشىلىق ەركىندىكتى جانە كرەاتيۆتى يندۋستريانى دامىتۋعا قاتىستى ماڭىزىنا ءمان بەردى.
ساپار اياسىندا «اقتوبە رەلس – ارقالىق زاۋىتى» كاسىپورنىندا تەمىرجول سالاسىنىڭ قىزمەتكەرلەرىمەن كەزدەسۋ ءوتتى. اڭگىمەلەسۋ بارىسىندا ەرلان قارين جاڭا كونستيتۋتسيا مەملەكەتتىك ساياساتتىڭ الەۋمەتتىك باعدارىن كۇشەيتىپ, ازاماتتاردىڭ ەڭبەك قۇقىعىن قورعاۋ كەپىلدىكتەرىن بەكىتۋ ارقىلى ەڭبەك ادامىنىڭ مارتەبەسىن ارتتىراتىنىن اتاپ ءوتتى.
كەيىن ق.جۇبانوۆ اتىنداعى اقتوبە وڭىرلىك ۋنيۆەرسيتەتىندە ستۋدەنتتەر قاۋىمىمەن مازمۇندى كەزدەسۋ ۇيىمداستىرىلدى. ەرلان قارين قازاقستان تاريحىنىڭ كوپتومدىق اكادەميالىق جيناعىنىڭ نەگىزگى جاڭاشىلدىقتارىنا توقتالىپ, مەملەكەتتىڭ تاريحي دامۋىنا ءبىرتۇتاس كوزقاراس قالىپتاستىرۋ جولىنداعى وتاندىق عالىمداردىڭ اۋقىمدى ءارى تىڭعىلىقتى ەڭبەگىنە نازار اۋداردى. ول كونستيتۋتسيالىق رەفورما وسى تاريحي ساباقتاستىقتى جالعاستىرا وتىرىپ, مەملەكەتتىلىك قۇندىلىقتارىن بەكىتەتىنىن جانە قازاقستاندى زاماناۋي, ادىلەتتى ءارى پروگرەسسيۆتى مەملەكەت رەتىندە ودان ءارى دامىتۋعا قۇقىقتىق نەگىز قالىپتاستىراتىنىن اتاپ ءوتتى.
سونىمەن قاتار وڭىردەگى كرەاتيۆتى سەكتوردىڭ وكىلدەرىمەن دە كەزدەسۋ ءوتتى. Aktobe IT Hub الاڭىندا كواليتسيا مۇشەلەرى مادەنيەت سالاسىنىڭ, ءىت-سەكتوردىڭ جانە كرەاتيۆتى يندۋستريانىڭ وكىلدەرىمەن جۇزدەستى. تالقىلاۋ بارىسىندا ادام كاپيتالىن دامىتۋ, يننوۆاتسيانى قولداۋ جانە جاڭا كونستيتۋتسيادا عىلىم, تەحنولوگيا جانە شىعارماشىلىق ەركىندىك باسىمدىقتارىن بەكىتۋ ماسەلەلەرى قوزعالدى.
وڭىرگە ساپار اياسىندا تاعى ءبىر ماڭىزدى نىسان – «اقتوبە جەو» اق. جالپىۇلتتىق كواليتسيا مۇشەلەرى قالا ءومىرىنىڭ تۇراقتىلىعى تىكەلەي وسى ۇجىمنىڭ جۇمىسىنا بايلانىستى ەكەنىن ەسكەرە وتىرىپ, قىزمەتكەرلەرمەن كەزدەستى.
كەزدەسۋ بارىسىندا اقتوبە وبلىسىنىڭ تۇرعىندارى جاڭا كونستيتۋتسيا جوباسى مەملەكەتتى ودان ءارى جاڭعىرتۋعا قاجەت بەرىك قۇقىقتىق نەگىز قالىپتاستىراتىنىن اتاپ ءوتتى.
رەفەرەندۋم-2026: شەتەلدەگى داۋىس بەرۋ ۋچاسكەلەرىنىڭ ءتىزىمى جاريالاندى
بارلىق كەزدەسۋ قورىتىندىسى بويىنشا اقتوبە وبلىسىنىڭ تۇرعىندارى رەفەرەندۋمعا قاتىسۋ ەلدىڭ الداعى دامۋ باعىتىن قالىپتاستىراتىن ماڭىزدى قادام ەكەنىن اتاپ ءوتتى.
رەفەرەندۋم جانە جاڭا كونستيتۋتسيا: حالىق كوپ جينالاتىن ورىنداردا اقپاراتتىق جۇمىس جانداندى
