وسى ورايدا كوپتەگەن جىلدار بويى انالىق جۇرەك جىلۋىن بالا ومىرىنە ارناپ كەلە جاتقان سارا الپىسقىزىنىڭ اۆتورلىعىمەن ەنگىزىلگەن ء«وزىن-ءوزى تانۋ» ادامگەرشىلىك-رۋحاني ءبىلىم بەرۋ باعدارلاماسىنىڭ ماڭىزدىلىعىن تانىتۋ ماقساتىندا سەمەيدەگى № 3 ورتا مەكتەبىندە ء«وزىن-ءوزى تانۋ»:ماحاببات پەن شىعارماشىلىق پەداگوگيكاسى» اتتى ونكۇندىك ءوتتى. ونكۇندىكتە ءوزىن ءوزى تانۋ ءپانىنىڭ مۇعالىمى سانيا بەكسولتانوۆا ءسوز سويلەپ, وقۋشىلاردى ادەپتىلىككە, سىپايىلىققا, سىيلاستىققا شاقىردى. ءبىلىم ورداسىنىڭ 9-شى جانە 10-شى سىنىپ وقۋشىلارى لەزدەمە جۇرگىزىپ, وقۋشىلارعا ارنالعان باعدارلامانىڭ نەگىزىن قالاۋشى سارا نازارباەۆا تۋرالى بەينەبايان تاماشالاندى. ءداستۇرلى ونكۇندىكتى ۇستازدار, وقۋشىلار ۇلكەن قۋانىشپەن قارسى الدى.
-بۇل ونكۇندىكتىڭ ماقساتى, ء«وزىن-ءوزى تانۋ» ءپانىنىڭ اۆتورى سارا نازارباەۆانىڭ ەڭبەگىن تانىتۋ ارقىلى وقۋشىلاردىڭ بويىنا رۋحاني-ادامگەرشىلىك قاسيەتتەردى دارىتۋ,-دەدى سانيا تەمىربولاتقىزى,- ۇلتتىق جانە جالپى ادامي قۇندىلىقتاردى دامىتۋ, ءوزارا كەلىسىم مەن ءوزارا تۇسىنىستىككە باۋلۋ ءبىز ءۇشىن اسا ماڭىزدى.
اپتالىق بارىسىندا «مەيىرىم توگەتىن انا» تاقىرىبىندا كىتاپ كورمەسى ۇيىمداستىرىلدى. وندا مەكتەپ كىتاپحاناشىسى ميرا بايەلوۆا ءوزىن-ءوزى تانۋ تۋرالى ماعلۇمات بەرەتىن «ساموپوزنانيە kz», ء«وزىن-ءوزى تانۋ» جۋرنالدارىنىڭ توپتاماسىن جانە «مەن اداممىن», «تاعىلىم», «قازاقتاردىڭ دۇنيەتانىمى» تاقىرىبىن قامتىعان باسىلىمدارمەن تانىستىردى.
-ء«وزىن-ءوزى تانۋ» ادامگەرشىلىك رۋحاني باعدارلاماسىنىڭ اۆتورى سارا نازارباەۆاعا ارنالعان «التىن جۇرەك انامىز» اتتى كورمە كوپشىلىككە ۇنادى,-دەيدى سانيا بەكسولتانوۆا,-وقۋشى شىعارماشىلىعىن دامىتۋ ماقساتىندا 5-11 سىنىپ وقۋشىلار ارالىعىندا ەسسە بايقاۋى ۇيىمداستىرىلدى. «ادامگەرشىلىك»,«دوستىق», «مەيىرىمدىلىك», «وتان» تۋرالى جازعان ەسسەلەرى جيناقتالدى.
سەمەي
