ءبىلىم سالاسىنداعى جاڭا باسقارۋ جۇيەسى تۋرالى وبلىستىق ءبىلىم باسقارماسى باسشىسىنىڭ مىندەتىن اتقارۋشى باعدات بەرداۋلەتوۆ بايانداما جاسادى. ونىڭ ايتۋىنشا جاڭا باسقارۋ جۇيەسى ەكى كەزەڭدە جۇزەگە اسىرىلماق.
ەندى اۋدان, قالا اكىمدىكتەرىندەگى ءبىلىم بەرۋ سالاسىنداعى فۋنكتسيالار وبلىستىق باسقارماعا بەرىلمەك. وسىعان سايكەس, ء«بىلىم تۋرالى» زاڭنىڭ 6-بابىنا وزگەرىستەر مەن تولىقتىرۋلار ەنگىزىلۋدە جانە 2021 جىلعى قاڭتاردان باستاپ ءبىلىم سالاسىن قارجىلاندىرۋ وبلىستىق جەرگىلىكتى اتقارۋشى ورگانداردىڭ قۇزىرەتىنە بەرىلەدى.
ال وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى تالعات دۇيسەباەۆ جاڭا فورماتتاعى اتاۋلى الەۋمەتتىك كومەك كورسەتۋ باعىتىنداعى جۇمىستاردان حاباردار ەتتى.
1 قاڭتاردان باستاپ ااك الاتىن ەڭبەككە جارامدى ادامداردى جۇمىسپەن قامتۋ ءۇشىن 4164 شارا جوسپارلانعان, ونىڭ 926 تۇراقتى جۇمىس ورىندارى. بۇگىنگى كۇنگە ااك الۋشىلار قاتارىنداعى ەڭبەككە جارامدى 11177 ادامنىڭ 1652-ءى جۇمىسپەن قامتۋدىڭ بەلسەندى شارالارىنا تارتىلىپ, 39,8 پايىزى نەمەسە 657 ادام تۇراقتى جۇمىسقا ورنالاسىپتى.
اتاۋلى الەۋمەتتىك كومەكتى تەك مۇقتاج وتباسىلار عانا الۋى ءتيىس.
وبلىس بويىنشا 2 ايدا اتاۋلى الەۋمەتتىك كومەك الۋشىلار قاتارىنداعى ەڭبەككە جارامدى ادامنىڭ تەك 39,8 پايىزى تۇراقتى جۇمىسقا ورنالاستىرىلعان. ەڭ تومەنگى كورسەتكىش قازالى, جالاعاش, سىرداريا اۋداندارىندا. قازالى اۋدانىندا اتاۋلى الەۋمەتتىك كومەك الاتىن ەڭبەككە جارامدى ادامداردىڭ نەبارى 4,9 پايىزى عانا جۇمىسپەن قامتۋدىڭ بەلسەندى شارالارىمەن قامتىلعان. قازالى اۋدانى اكىمدىگى بۇل ماسەلەنى قاتاڭ باقىلاۋعا السىن. سونىمەن قاتار بيىل وتكىزىلەتىن ساناققا بايلانىستى, قىزىلوردا قالاسى جانە اۋدان اكىمدەرى 2020 جىلدىڭ 1 ساۋىرىنە دەيىن كوشەلەردىڭ اتاۋلارىن, كۆارتالداردىڭ, ۇيلەردىڭ جانە پاتەرلەردىڭ نومىرلەرىن رەتكە كەلتىرۋ جۇمىستارىن اياقتاپ جانە شارۋاشىلىق كىتابىنداعى ەسەپكە الۋ دەرەكتەرى بويىنشا ناقتىلاۋ جۇمىستارىن جۇرگىزسىن, دەدى وبلىس اكىمى.
2020 جىلعى حالىق ساناعىن وتكىزۋگە دايىندىق جۇمىستارى تۋرالى وبلىستىق ستاتيستيكا دەپارتامەنتىنىڭ باسشىسى ماريام باەكەەۆا بايانداما جاسادى.
ايماق باسشىسى كۇن تارتىبىندە قارالعان ماسەلەلەرگە قاتىستى سالا باسشىلارىنا ناقتى تاپسىرمالاردى جۇكتەدى.
